Տաղեր

Աւա~ղ անցաւորիս, որ մոլորեցայ,
Ի յաստուծոյ աչացն կամաւ հեռացայ,
Սոսկալի յօր մահուն բնաւ մոռացայ,
Դատաստանի յահէն ոչ զարհուրեցայ:

Այլոց եղէ քարոզ, ես ոչ իմացայ,
Իմ մեղքն ոչ յիշեցի, այլոց հետ անկայ,
Պատուիրանի փրկչին ոչ հետեւեցայ,
Խոտոյ նման բուսայ, այլ շուտ չորացայ:

Որդի աւազանին ես անուանեցայ,
Այլ որդի գեհենին ես կամաւ եղայ,
Վարանեալ տոչորիմ, Տէրն յորժամ դատ գայ,
Զի՞նչ տամ պատասխանի, որ մեղօք անցայ:

Խաւարեալ Ասապով, քեզ ճարակ արա,
Մի' մնար մէջ մեղաց, այլ մեղայ ասա,
Դարձիր առ տէր աստուած եւ խոստովանեա,
Ահագին ատենին նա քեզ ողորմեա: