Ուղերձներ

Մ ումինան ասլի փաքտէն ուչմաղէ նայիլ էճտատ,
Նէսլի կիւզին իպրէթ փէյտա մէյվէտարի սէն տիլշատ։

ՈՒ լուրէք ումուլ ումուլ մուպաշիր ճայի սայէ,
Զէնտան մախլուգ իստիրահէթ պուլուպ շուքրի խուտատատ։

Ր այկեան իտուպ մէրզուպլըկըն նէ տէմ էհպարըն կէլտի,
Տուր եէքթա զան էթտըմ պէն գալէմընէ իթիմատ։

Ա յնէի տէրուն զամիր ճէվհէրի ազիզ մունիր,
Սիրէթըն փուռ սաֆիաթ մէնէնտի շէմսի էմճատ։

Տ ատի Հագտէն գապիլէէ իֆթիխարու սուրուրսուն,
Կեօյա չէմէն զար իչրէսէն պիր վէրտի զէրիֆ տիլտատ։

Չ ի կեօյի ճօշ ու խուրուշ էմվաճի պէհճէթնումա,
Նիսարանտըր ճիհան պաղէ Ֆիրտէվստէն ապի ֆիրատ։

Է լհէմ ու հէմտ չօղ օգունտի օլ սէնի խալգ իտէնէ,
Օլ էնվային լաթիֆ րէյհան հայսէն նազնին ֆէրէհտատ։

Լ անազիր հալիմ մէշրէպ զաթի մումթազ մէլէք խույ,
Հուսունլէ վար մագտուսաթըն գալպի թաստիգ իսթիտատ։

Է պրարէ օլ իքի նագլըն պէլի սէրվի սէնավպէր,
Հէմ մէյվէյի մուպարէքտէ նարինճ ու թօհուֆ սատատ։

Պ ու նազմ ուզրէ քէմալաթըն թարիֆըն շաքիրլըկլէ,
Իլթիֆաթ ու մուհապէթըն մէքթուպլէ շայի զիատ։

Ի ՐԷՄԵԱՅԱ նէ՞ տըր մագսուտ պու մէտհէ նէ՞ տըր մուրատ,
Հէմէն Մուրատ Չէլէպիմըն զիքրի հայիր պէրմուրատ։

Մ ուհուպի շօլ թէշնէ թամէ չուն թարիխ մահթում պատ,
Վասլի գըսմէթ՝ նէ՛ չարէ նէ՛ տըր մէտար նէ՛ իմտատ։

( Ձեռ. թիւ 1059, թղ. 52բ )

( Տուներու սկզբնատառերը կը յօդեն
ՄՈՒՐԱՏ ՉԷԼԷՊԻՄ )։