Թղթեր

Մրգուզ փանաք ծրդեալ ծեքեալ անհոյծ ոգեալ յառեալ,
Իրազեկ խանտեալ մանձրեալ յարազինեալ իսկոյն յահրեալ.
Սանջուկ մանչոն ճահճեալ զամեկեալ ըմբահակեալ,
Դիւրադատ պատենեալ անռահավար պարայածեալ:
Որջասոյզ եւ գրուանող ծեքեալ նոծեալ ապազոնեալ
Փինատ թեքըտ փքացեալ ապա զինիւ բաց ասացեալ.
Հի՞կէն գոյս կոյր կոպանեայ թափառական կոկոզացեալ,
Ամայի բաղադրեալ առ վիրական ի զուր խոնջեալ:
Անխորասոյզ արգոբ կարծեալ արտօրինեալ բարուրեալ,
Անդրուատ գրուակ բոսոր անիրապէս ըմբոշխորեալ.
Անճոռնի տիպ դիմառեալ ապաժաման լաւից եղեալ,
Ընկրկեալ թոպեալ թրմեալ խողեալ ի յայտ տրամակայեալ:
Բոսորագոյն հաշմեալ չույածական արտալածեալ,
Իւղագործ կիւտ կածնական յուզեալ խուզեալ եւ խողխողեալ.
Անհեթեթ վիթխարացեալ հրազիմացող գաղափարեալ,
Մեզդետ մախիզ զոփեալ միտեալ յարդեալ արասունեալ: