Տաղեր

Առաւօտուն քամին ելեր` մաղէ զիս,
Քո սէրն ինծի կրակ եղեր` դաղէ զիս, դաղէ զիս,
Երբ որ մեռնիմ, տար քու ձեռօքդ թաղէ՛ զիս,
Մի՛ թափիր, վարդ, մի՛ թափիր, ա~խ, այրեցայ ես քո
սիրուն,
Մի՛ լաբիր, վա՛րդ, մի՛ լաբիր,
Ես ղարիբ եմ, չունիմ աշխար` երդամ, հա~յ, երդամ,
հա~յ:
Սէր քոյ սաստիկ, յոյժ ջերմապես վառէ զիս, վառէ զիս,
Հոտ քաղցրութեան ի քիմս հասեալ` մայլէ զիս,
մայլէ զիս,
Գուն գեղեցիկ փափաքանօք տանչէ զիս, տանչէ զիս,
Մի՛ թափիր, վա՛րդ, մի՛ թափիր,
Ես ղարիբ եմ, չունիմ աշխար` երդամ, հա~յ, երդամ, հա~յ:

Աճապ արեալ զպլպուլն առ վարդին,
Հարցանէ թէ` Սիրելի՛, քու քաղցր քեֆըն որպէ՞ս է,
Քո կարօտուն սիրտս արեալ տոչորէ, տոչորէ,
Մի՛ թափիր, վա՛րդ, մի՛ թափիր, վա՛րդ,
Ես ղարիպ եմ, չունիմ աշխար` երդամ, հա~յ, երդամ, հա~յ: