Պատմութիւն Հայոց

ԳԼՈՒԽ ԼԱ
Վասն թագաւորելոյ Աբգարու ի Հայք:

Թագաւորէ Աբգար` որդի Արշամայ` ի քսաներրորդ ամի Արշօրի արքայի Պարսից: Ի սորա երեք ամի թագաւորութեանն` հարկին Հայք Հռովմայեցւոց. քանզի հրամայեալ յՕգոստոս կայսերէ` որպէս ասի յՂուկասայ Աւետարանին` աշխարհագիր առնել ընդ ամենայն տիեզերս. վասնորոյ եւ ի Հայս առաքեալ գործակալք Հռովմայեցւոց` բերելով զպատկերն Օգոստոսի կայսեր`կանգնեցին յամենայն մեհեանս: