Գիրք վաստակոց

Զհետեւակ այգւոյն զպարանսն, հեռի 'ի միմեանց վեց ոտն պիտի առնել, մեծ ոտներ, եւ զտնկերն նոյնպէս որ ղորդ 'ի պարան գայ զսարբնայովն. հեռի 'ի միմեանց պարանքն ԺԵ ոտն, եւ տունկք վեց ոտն, զի սարբնայովն միադեհ ունի զպարանին ղորդութիւնն, չունի չորեք կողմանց: Եւ թէ այսպէս չլինի՝ նա չկարէ մտանել օդն 'ի ներքս, եւ սնուցանել զբերն: Եւ եթէ ոք յամէն երկու տարի մէկ անգամ զսարբնայով այգին աղէկ վաստակէ եւ ցորեան ցանէ, նա գինին այլ աղէկ լինի եւ անոյշ: