Գիրք վաստակոց

Դեղ բնութեամբ օգտակար, զոր իմաստունն Դիմոկրատէս եգիտ, եւ բազումք 'ի մարդկանէ փորձեալ են զսա, յոյժ օգտակար է ծառոց եւ ամենայն ազգ տնկոց, նոյնպէս արտորէից եւ ամենայն բուսոց: Առ խեչափառ տասն հատ, եւ թէ այլ աւելի լինի լաւ է, պակաս չլինի, ծովու կամ գետոյ, եւ լից 'ի փարչ մի եւ ջուր 'ի վերայ, եւ կա՛լ պինդ զբերանն եւ դիր 'ի դուրք, որ ցերեկն արեւն զինքն սնուցանէ եւ գիշերն աստեղքն, տասն օր, եւ թէ այլ աւելի՝ աղէկ է. եւ երեսուն օր զհետ իրերաց՝ 'ի վերայ նոր բուսեալ իրացն ցանեա. եւ տես զԱստուծոյ սքանչելիսն: