Գիրք վաստակոց

Ա՛ռ կաղնի փայտի սղոցուք, կամ կաղնւոյ մոխիր, կամ սիսռան ալիւր լիտր մի, կամ քուշնայի ալիւր կէս լիտր. եւ ա՛ռ 'ի կտտած գինւոյդ տասն լիտր, եւ ա՛ծ 'ի կարաս, եւ տաքացո աղէկ, եւ ա՛ծ զորն կամիս 'ի դոցանէ 'ի ներք, եւ խառնեա աղէկ, եւ դարձո վերստին 'ի կարասն 'ի վերայ այլ գինւոյն. նա լաւացուցանէ: Եւ թէ առնուս զմունֆախդէճ շինած գինին լիտր մի, եւ կէս լիտր գետի սպրկիկ աւազ, եւ լիտր մի անոյշ հին գինի, եւ խառնես յիրեար եւ ածես 'ի գինին, լաւացուցանէ: