Գիրք վաստակոց

Ա՛ռ մկնսոխ 'ի լեռնէ, եւ թէ չգտանես՝ 'ի ծովեզերէ, լաւ է. 'ի թէմուզի ԺԶ օրն թէ քաղես, պահեա 'ի շուք տեղ, եւ 'ի մուստառին ժամն ա՛ռ եւ հա՛ն զդրուց կեղեւն, եւ կտրեա զքիթն եւ զտակն, եւ խաչք ճեղքեա. եւ երկու նուկի 'ի տասն լտեր աման ձգեա, եւ այս կշռովս արա զայլ շատն: Եւ երբ գինենայ՝ 'ի բան տար. ստամոքսացն օգտէ. զի զպղլամն հալածէ եւ կտրէ զքամին յամէն մարմնոյն, յոսկերացն եւ 'ի ջլացն եւ յերակացն. եւ թոքացաւի օգտէ՝ որ հազայ, եւ սրբէ զխռչափողն, եւ զձայնն յիստակէ եւ ամենայն ցաւոց որ 'ի հաստ պալղամէ լինի՝ օգտէ. եւ փայծղան եւ նիքրիսին օգտէ: Եւ իւրեանդ խմելն յառաւօտուն պիտի կթղայ մի. տաք ջրովն լաւ է քան հովովն. եւ աչաց լուսոյն օգտէ. եւ յետ հաց ուտելոյ հալ բերէ կերակրին: