Գիրք վաստակոց

Այսոքիկ առ հասարակ զտնկումն միապէս զերդ տանձն եւ խնձորն ունին, զի համաձայնք են միմեանց: Բայց միայն 'ի սերկեւիլէն, որ ա՛յլ աղէկ տեղի ախորժայ: Եւ կեռասենին բնաւին զգէջ եւ զհով տեղիսն ընդունի: Եւ թէ ուզես 'ի սոցանէ որ լաւ պտուղ առնուս, նա դեղն այն է, որ զիւրեանք անհնար աղէկ պատրուսես: Եւ թէ առնուս սեւ խաղողի պատրոյս, եւ պատրուսես 'ի սեւ կեռասենւոյն բազուկն, նա բերէ խաղող, եւ այնպէս կանուխ հասուցանէ՝ զերդ զկեռասն: Եւ թէ առնուս կաւ եւ շինես երկու փերթ, եւ նկարես որ փորելով 'ի ներքուստ յերկու դիհաց, եւ առնուս զթուրինջն՝ երբ դեռ փոքր է, եւ 'ի մէջն դնես եւ կապես, նա պտուղն մեծանայ. եւ զմատնեհար նկարումն 'ի յինքն առնու զինչ 'ի կաւն նկարեալ իցէ. եւ ով տեսանէ՝ զարմանայ:

Զկեռասն 'ի մէջ փարչին լնուս 'ի վերայն զմեղր լնուս, դիմանայ մինչեւ յերեսուն օր. թէ ուզես ա՛ռ, յօտար երկիր տա՛ր: