Ժամանակագրութիւն

ՅԱՂԱԳՍ ԹԱԳԱՒՈՐԱՑՆ ՀՌՕՄԱՅ ԵՒ ՅՈՒՆԱՑ՝ Ի ՄԵԾԷՆ ԿՈՍՏԱՆԴԻԱՆՈՍԷ ՄԻՆՉԵՒ Ի ՓՈՔՐ ԹԷՈԴՈՍ

Յամի տեառն ԳՃԶ (306) թագաւորեաց Մեծն Կոստանդիանոս. զկնի Կոստասայ հօրն իւրոյ, Ի (20)-րդ ամի Տրդատայ Հայոց թագաւորի:

Ի նոյն թվոջ եւ ի նոյն ամի թագաւորեաց յարեւմուտս հակառակ նմին Սեւերոս ամս Ա (1), զոր սպան Մաքսետէս եւ ինքն թագաւորեաց ամս Ե (5): Եւ ի սոյն թվին թագաւորեաց յարեւելս Մաքսիմինէս ամս Ը (8):

Ի նոյն թվոջ ԳՃԺԲ (312), Մեծն Կոստանդիանոս նշանաւ սրբոյ խաչին յաղթեաց Մաք[սենտիոս] եւ եմուտ ի Հռօմ:

Ի նոյն թվոջ ԳՃԺԳ (313) հաւատաց ի տէր ինքն եւ Լիկիանոս ծեր, քեռ այր իւր:

Ի նոյն թվոջ ԳՃԺԴ (314) ել պատերազմ ընդդէմ Մաքսիմինոսի, սպան նա եւ թագաւորեաց Լիկիանոս ընդ նորա ամս Թ (9):

Ի նոյն թվոջ ԳՃԻԴ (324) ըմբռնեաց զԼիկիանոս ուրացեալն ի հաւատոց եւ ապստամբեալն յինքենէ եւ ինքն Կոստանդիանոս միահեծան թագաւորեաց:

Ի նոյն թվոջ ԳՃԼԷ (337) վաղ•անեալ սրբոյն Կոստանդիանոսի ԿԵ (65) ամաց, յետ Լ (30) ամի թագաւորութեան իւրոյ, եւ թագաւորեցուցին որդիք նորա` Կոստաս ուղղափառ ի Հռօմ, Կոստանդիանոս եւ Կոստանդինոս հերձուածող յարեւելս ամս ԻԵ (25):

Ի նոյն թվոջ ԳՃԽ (340) Կոստանդիանոս սպանաւ ի զօրացն` ի սադրելոյ եղբօր իւրոյ Կոստանդինոսէ:

Ի նոյն թվոջ ԳՃԾ (350) Կոստաս սպանաւ ի Հռօմ ի Մագնիտոսէ յետ ԺԳ (13) ամի, եւ Կոստանդինոս միահեծան տիրեաց:

Ի նոյն թվոջ ԳՃԿԲ (362) թագաւորեաց ուրացողն Քրիստոսի պիղծն Յուլիանոս, յետ մահուանն Կոստանդինոսի ամս Բ (2) ամիսս Գ (3):

Ի նոյն թվոջ ԳՃԿԳ (363) սատակիլ պղծոյն Յուլիանոսի թագաւորեաց Յոբիանոս ամիսս Ը (8):

Ի նոյն թվոջ ԳՃԿԴ (364) յետ Յոբիանոսի թագաւորեցուցին Վաղենտինոս ուղղափառ ի Հռօմ ամս ԺԲ (12) եւ եղբայր նորին Վաղէս հարձուածօղ ի Կոստանդնուպոլիս ամս ԺԵ (15):

Ի նոյն թվոջ ԳՃՀԵ (375) վաղ•անի Վաղենտիանոս ի Հռօմ եւ թագաւորին, որդիք նորին` Գրատիանոս եւ Վաղենտիանոս Փոքր:

Ի նոյն թվոջ ԳՃՀԸ (378) այրեցաւ հ[ե]րձուածօղն Վաղէս, ըստ արժանւոյն իւրոյ յԱդրինապօլիս:

Ի նոյն թվոջ ԳՃՀԹ (379) թագաւորեաց աստուածատուրն Թէոդոս Սպանիացին, փեսայ գոլով /252բ/ Վաղետիանոսի Մեծին, փոխանակ Վաղէսի ի Կոստանդինուպօլիս:

Ի նոյն թվոջ ԳՃՁԳ (383) Գրատիանոս սպանաւ ի Հռօմ, յետ ութ ամի թագաւորութեան իւրոյ:

Ի նոյն թվոջ ԳՃՂԲ (392) Վաղենտիանոս Փոքր սպանաւ ի Հռօմ, յետ ԺԵ (15) ամի թագաւորութեան իւրոյ եւ միահեծան տիրեաց Մեծն Թէոդոս:

Ի նոյն թվոջ ԳՃՂԵ (395) վաղ•անեալ սրբոյն Թէոդոսի Մեծին Ծ (50) ամաց, յետ ԺԶ (16) ամի թագաւորութեան իւրոյ, եւ թագաւորեցին որդիք նորա` Ոնորիոս ի Հռօմ ամս ԻԹ (29) եւ Արկադէոս ի Կոստանդինուպօլիս ամս ԺԳ (13):

Ի նոյն թվոջ ԴՃԸ (408) յետ մահուանն Արկադէոսի թագաւորէ որդի նորին Փոքր Թէոդոս Ը (8) ամաց:

Ի նոյն թվոջ ԴՃԻԳ (423) վաղ•անեալ Ոնորիոս ի Հռօմ եւ թագաւորէ Վաղենտիանոս Երրորդ ամս ԼԱ (31):

Ի նոյն թվոջ ԴՃԽԹ (449), յետ ԽԲ (42) ամի թագաւորութեան իւրոյ, սուրբ Թէոդոս Փոքր վաղ•անի եւ թագաւորէ Մարկիանոս հազարապետ ընդ Պօղքերի` քեռ Թէոդոսի: Վերջ բանիս: