Տաղեր

Ահա եղեւ այլւի գարուն,
Վերացաւ փութով սաստիկ ձուն,
Կանաչացաւ երկիրն ամէն,
Ծաղկունք էն բացւեր գոյնզգոյն.
Զրուցէ, պլպուլ, զրուցէ,
Զրուցէ, հոգի, զրուցէ:

Նորոգեցան դաշտք ու լեռներ,
Այգի, բուրաստան, բաղչաներ,
Վարդն միայն տարակուսեր,
Թէ` Ո՞ւր է իմ պլպուլ, չեկեր.
Սօլեայ, շիրին պլպուլ, սօյլայ,
Սօլեայ, խօշ աւազում, սօյլայ:

Դարձեալ աստի ՚ւ անտի հայցէր,
Զքաղցրիկ պլպուլ որնէր,
Առ մերձակայսն իւր հարցանէր,
Թէ` Քաղցրիկ հաւն ո՞ւր է գնացէր.
Զրուցէ, պլպուլ, զրուցէ,
Զրուցէ, հոգի, զրուցէ:

Րահան, սմպուլ եւ բանաւշէն
Եւ հաւասար ծաղկունքն ամէն,
Եկեալ գնացին ի տես վարդին
Եւ բազմեցան նոքա յայգին.
Սօլեայ, շիրին պլպուլ, սօյլայ,
Սօլեայ, խօշ աւաղում, սօյլայ:

Երեւելով փոքրիկ հաւին
Եկեալ նստաւ յոստս ծառին,
Արձակեցաւ կապ լեզուոյ,
Յորժամ ետես զկոկոն վարդին.
Զրուցէ, պլպուլ, զրուցէ,
Զրուցէ, հոգի, զրուցէ:

Ահա եհաս բացումն վարդին,
Ի լուսանալ առաւօտին,
Եբաց զերեսն եւ հայեցաւ,
Ետես զպլպուլն զիւր սիրելին.
Սօլեայ, շիրին պլպուլ, սօլյա,
Սօլեայ, խօշ աւաղում, սօյլա:

Սիրով վարդին կրկին ձայնեաց,
Թէ` Եկ առ իս, սրտով սիրած,
Վաղուց հետէ ես գնացած,
Եւ ես դէմ քեզ յոյժ կարոտած.
Զրուցէ, պլպուլ, զրուցէ,
Զրուցէ, հոգի, զրուցէ:

Ի վեր վազեաց վերայ օդին,
Պլպուլն շուրջ եկեալ էր զայգին,
Ուրախութեամբ օրհնեաց զաստուած,
Յորժամ ետես զիւր սիրելին.
Սօլեայ, շիրին պլպուլ, սօլյա,
Սօլեայ, խօշ աւազում, սօլյա:

Եկեալ ի մի տեղ կանգնած են,
Անուշ ասեն, քաղցրիկ լսեն,
Զմիմեանս ուրախ առնեն,
Զտրտմութիւն փարատեն.
Զրուցէ, պլպուլ, զրուցէ,
Զրուցէ, հոգի, զրուցէ:

Րանկն վարդին զարդարուեր,
Պլպուլն ընդ այն է զարմացեր.
Բազում սիրուն խեւ է դարձեր,
Քաղցր եւ անուշ ձայն արձակեր.
Սօլեայ, շիրին պլպուլ, սօլյա,
Սօլեայ, խօշ աւաղում, սօլյա:

Գիշերն ի բուն արթուն կացեր,
Եկեալ ի դիմաց լուսոյն ննջէր,
Վարդն այլ փութով անդէն բացւէր,
Պլպուլն այնու հասրաթ մնացէր.
Զրուցէ, պլպուլ, զրուցէ,
Զրուցէ, հոգի, զրուցէ:

Է', Արծկեցի Անդրէաս,
Քանի՞ արբեալ եւ թմբրեալ կաս,
Յամառեալ ես դու ի չարիս,
Անդրէն պիտի պատասխան տաս.
Սօլեայ, շիրին պլպուլ, սօյլա,
Սօլեայ, խօշ աւաղում, սօյլա: