Տաղեր

Արեւելք առաջին
Եւ Արեւմուտք, որ է վերջին,
Նստեալ հային դէմ փարչին
Եւ զանազան իլի հռչին.
Բարեխօսեա մեծ կարասին,
Որ զանազան է իւր գինին:

Բարեխում է գինի
Եւ յոյժ փայլուն սեղան իլի,
Գէր-գէր հաւեր զանազան
Եւ այլ կարագ խառն ընդ մեղրի,
Բարեխօսեա մեծ կարասին,
Որ զանազան է իւր գինին:

Գերագոյն լաւ մազայ,
Եղով տապկած ձուկն թազայ,
Խումար մարդուն բոզ պտուկ,
Բղվով բռնած սիրուն բազայ.
Բարեխօսեա մեծ կարասին,
Որ զանազան է իւր գինին:

Դարձեալ հայիր, թէ ի՞նչ կայ,
Հալվայ, բորակ եւ փախլաւայ,
Գառն դրած ղափամայ
Եւ փորն ի լիք պահարլամայ.
Բարեխօսեա մեծ կարասին,
Որ զանազան է իւր գինին:

Երանեալ հերիսայ
Եւ պատուական քալլափաչայ,
Սամիթ, թարխուն, ասիդայ,
Յոլով եփած փալուզայ.
Բարեխօսեա մեծ կարասին,
Որ զանազան է իւր գինին:

Զարդարեալ է սեղան,
Ղապլու փլաֆ մսով եփման,
Ցեղուցեղ պիպերով
Եւ քիշմիշովն միաբան.
Բարեխօսեա մեծ կարասին,
Որ զանազան է իւր գինին:

Երեւեցաւ օրհասրակն,
Փութով եկեալ լահանայ,
Եափրաղ քուֆտայ, ղալիյայ,
Այխի եկուն եւ ղապուրղայ.
Բարեխօսեա մեծ կարասին,
Որ զանազան է իւր գինին:

Ընտրեալ ընտիր աղաւնի
Եւ պլտրչին սեղանոյս իբաբ,
Ոչխարի միս ի լիկամ,
Փանչշնակօշն է լավ քաւպապ:
Բարեխօսեա մեծ կարասին,
Որ զանազան է իւր գինին:

Թագաւոր է խոռոզն,
Եւս առաւել գեղեցկագոյն,
Կարմիրերանգ գոյնզգոյն,
Թագ եւ պարծանք մեր սեղանոյն.
Բարեխօսեա մեծ կարասին,
Որ զանազան է իւր գինին:

Ժողովեցան ի սեղան,
Արձակեցին զխորաջայն,
Ուտեն, խմեն անուշ գինին
Եւ փառս տան անճառելոյն.
Բարեխօսեա մեծ կարասին,
Որ զանազան է իւր գինին:

Ի կաքաւուց բերեալ միս,
Ի սալամուց լաւ նաֆայիս,
Աղաւնոյ ձագ մեզ ընթրիս,
Հաճոյ թուեցաւ բազմականիս.
Բարեխօսեա մեծ կարասին,
Որ զանազան է իւր գինին:

Լռեցին միաբան
Եւ ննջեցին ամենեքեան,
Երբ որ քնեցան եւ զարթան,
Շուտով հասեալ գաւն ու կթղայն.
Բարեխօսեա մեծ կարասին,
Որ զանազան է իւր գինին:

Խնդացին եւ զուարճացան,
Երբոր տեսին զգաւն ու կթղայն,
Նստան բոլոր ի սեղան,
Ըմպեն զարաղն, ուրախանան.
Բարեխօսեա մեծ կարասին,
Որ զանազան է իւր գինին:

Ծաղիկ բերեալ ի սեղան,
Վարդ, մանուշակ եւ ռեհան,
Ղարանֆիլ եւ նունուֆար,
Նարկիզ, զիւմպիւլ եւ շուշան.
Բարեխօսեա մեծ կարասին,
Որ զանազան է իւր գինին:

Կարմրացեալ գերագոյն,
Կակաչ բերեալ վայրենոյն,
Մանուշակ թիւր պարանոց,
Քաղցրատեսակ հոտով սիրուն.
Բարեխօսեա մեծ կարասին,
Որ զանազան է իւր գինին:

Հազարվարդն այլ բոլոր,
Գունովն դեղին եւ աղուոր,
Կոկոնին հետ միաւոր,
Ի մէջ նոցա փառաւոր.
Բարեխօսեա մեծ կարասին,
Որ զանազան է իւր գինին:

Ձեւացան ի սեղան,
Պայծառ տեսլեամբն աննման,
Արձակեցին հոտ անուշ,
Քաղցրացուցին զքիմս մարդկան.
Բարեխօսեա մեծ կարասին,
Որ զանազան է իւր գինին:

Ղամբարանման փայլէին
Պայծառ գունով մէջ սեղանին,
Նոքա առեալ վայլեցին
Եւ փառս տւին պարգեւողին.
Բարեխօսեա մեծ կարասին,
Որ զանազան է իւր գինին:

Ճռաթափ արարին
Զճնճղուկն մեծ, ահագին,
Բերին յառաջ, զենեցին,
Զփետուրն յիւրմէն կողոպտեցին.
Բարեխօսեա մեծ կարասին,
Որ զանազան է իւր գինին:

Մեծամեծք խորհուրդ արին,
Բերին զսագն ընդ արօսին,
Մանրամասն կտրատեցին
Եւ ճնճղկան փորն լցին.
Բարեխօսեա մեծ կարասին,
Որ զանազան է իւր գինին:

Յետոյ սինի մեծ կազմեցին,
Անուշահամ զարդարեցին,
Բերեալ յառաջ մատուցին,
Մէջ սեղանին բազմեցուցին.
Բարեխօսեա մեծ կարասին,
Որ զանազան է իւր գինին:

Նորոգեցան նոր սեղան,
Յորժամ եհաս ճնճղուկն այն,
Քառասուն մարդ միաբան,
Մէկ թեւն կերան, յագեցան.
Բարեխօսեա մեծ կարասին,
Որ զանազան է իւր գինին:

Շնորհեցին ի մրգերաց,
Յառաջ բերեալ մատուցին,
Գեղեցիկ եւ զանազան,
Նորոյ սեղան զարդարեցին.
Բարեխօսեա մեծ կարասին,
Որ զանազան է իւր գինին:

Ուղիղ, բոլոր եւ աղւոր,
Սպիտակ, կարմիր, փառաւոր,
Համով, հոտով լի խնձոր,
Մէջ մրգացն է թագաւոր.
Բարեխօսեա մեծ կարասին,
Որ զանազան է իւր գինին:

Չամիչ կթուն բերեալ շատ,
Արմաւ եւ թուզ մէկ-մէկ հատ,
Շահպալութն եւ լապլուպուն,
Խառնեալ ի մէջ նոցա փշատ.
Բարեխօսեա մեծ կարասին,
Որ զանազան է իւր գինին:

Պնդուկն եկեալ ամններով
Եւ նուշն ի հետ անուշ համով,
Ֆստուխիկն է մազթափած,
Քան զամենայն մրգերն համով.
Բարեխօսեա մեծ կարասին,
Որ զանազան է իւր գինին:

Ջանաց խիեարն յառաջ մենակ
Եւ յետ նորա խարպիզակ,
Եւ շլնկուն ձմերուկ,
Փութով հասուցէք դանակն.
Բարեխօսեա մեծ կարասին,
Որ զանազան է իւր գինին:

Ռետին քաղցրիկ մանայնայ,
Նօղլն, շաքար միանայ,
Ձագուց մեղր, ծաղը բոլոր,
Մէջ սեղանին զօրանայ.
Բարեխօսեա մեծ կարասին,
Որ զանազան է իւր գինին:

Սերկեւիլ թըթուաշիկ,
Նուռն այլ ի հետ նոցա քաղցրիկ,
Անուշ մաճռայ, տանձ մալաչի
Եւ Աբոսսի եւ մեհրէնիկ.
Բարեխօսեա մեծ կարասին,
Որ զանազան է իւր գինին:

Վասն մեր գայ ղարանֆիլ,
Քաղցր դարչին եւ զանջաֆիլ,
Ղարապիպէր, ղաղուլայ,
Չաւզ եւ բազում դառք ֆլֆիլ.
Բարեխօսեա մեծ կարասին,
Որ զանազան է իւր գինին:

Տերտերներն եւ տիրացուքն
Յորժամ սեղանոյս հանդիպին,
Հնչին զանգակ եւ զծնծղայ,
Երգեն զտաղ եւ մեղեդին.
Բարեխօսեա մեծ կարասին,
Որ զանազան է իւր գինին:

Րամք թաթերացն յառաջ գայ,
Չօնգուռ, դամբուրայ եւ չեշտայ,
Ղարատուղան րումբայի,
Մուշնիքար առ ի քամանչայ.
Բարեխօսեա մեծ կարասին,
Որ զանազան է իւր գինին:

Ցաւն էր պատեր զիս չորս դիհաց
Եւ ես տկար էի մտաց,
Զայսպէս կարի ժողովեցի,
Որոնելով կամաց-կամաց.
Բարեխօսեա մեծ կարասին,
Որ զանազան է իւր գինին:

Ւիւսեալ պատիւս զուարճացէք,
Ո'վ մեծամեծք եւ տանուտէրք,
Կերէք, արբէք, ուրախացէք,
Այսչափս բաւ է, թէ գիտէք.
Բարեխօսեա մեծ կարասին,
Որ զանազան է իւր գինին:

Փառս տացուք ստեղծողին,
Այսչափ բարեաց պարգեւողին,
Օրհնեա, տերտէր` Հայր մեր յերկին,
Ելցուք գնամք յեկեղեցին.
Բարեխօսեա մեծ կարասին,
Որ զանազան է իւր գինին:

Քաղաք Անդրէաս Արծկեցի խելագար,
Քանի խօսես վայրապար,
Այլոց եղար եւ ծաղր-կատակ,
Դու աղաչեա զՏիրամայր,
Որ ի նմանէ լինի քեզ ճար.