Գիրք վաստակոց

Եթէ ուզես որ կանուխ վարդ առնուս, փորեա զշուրջն տակուցն արձակ՝ թիզ մի, եւ եղկ ջրով արբո յօրն երկու հետ. մենակ վարդ տայ: Եւ թէ ուզես որ շատացուցանես, պառակեցո 'ի ճղերոյն եւ հող արկ 'ի վերայ. ծլէ եւ շատանայ, եթէ յամէն տարի զաճն պառակեցընես: Եւ այլ ազգ. 'ի շարժն՝ կտրեա 'ի ճղերուն եւ սատրեա, որ մազմզուկ առնու, եւ ապա հան տնկեա ուր կամիս. եւ այսու շատացո քանի կամիս: Բայց զգետինն աղէկ պարտ է շինել. եւ այս օրինակաւ շինած վարդն անուշահոտ լինի: 'Ի թէֆնէն վարդ պատրուսեա, տերեւականաչ վարդ լինի: