Գիրք վաստակոց

Պարտ է զնա ճանաչել 'ի ձեռն լուսնին այսպէս. երբ լուսինն լինի երեք աւուր, եւ տեսանես զնա նօսրագոյն եւ յիստակ, գիտացիր որ բարւոյ նշան է. նոյնպէս եւ թէ 'ի չորս օրն երեւի. եւ մինչ լնանի լուսինն՝ եւ զինքն նոյնպէս յիստակ տեսանես՝ նոյն պարզոյ նշան է: Եւ երբ լուսինն յստակ եւ պայծառ լինի, նոյնպէս եւ 'ի մտանել արեգականն եթէ արեւն պարզ եւ յիստակ լինի՝ միւս օրն պարզ գայ: Եւ տե՛ս, թէ 'ի ցայթելն լուսինն բակ ունենայ՝ նա պարզոյ նշան է: Նոյնպէս թէ 'ի յարեգակն զայս տեսանես՝ նոյն նշան է. 'ի ցայթելն արեւուն եթէ սակաւ ինչ ամպ երեւի՝ ոչ լինի վասն սակաւուն անձրեւ: Եւ թէ 'ի ցայթել արեւուն եւ 'ի մուտն երեւի սպիտակ՝ եւ շուրջանակի ամպ չէ՝ անձրեւոյ նշան է. եւ թէ լինի նօսր եւ պարզագոյն ամպ 'ի վերայ լերին եւ ծայրքն պայծառ՝ պարզոյ նշան է: Նոյնպէս թէ 'ի վերայ ծովուն ամպ տեսանես նօսրագոյն՝ պարզոյ նշան է: Եւ երբ բուերն գիշերի ձայն ածեն, եւ ագռաւքն ճչելով ուրախանան՝ պարզոյ նշան է: