Գիրք վաստակոց

Են ոմանք որ 'ի ցրտին եւ 'ի գիճային լերինս՝ զտնկուած տնկոց 'ի մայիսի մտէն մինչ 'ի յունիս ամսոյ ԺԳ օրն առնեն: Եւ գիտելի է զի լաւն այն է, որ զամէն ազգ տունկ յառաջ քան զպտկելն պարտ է տնկել, թէ յետոյ՝ լինի: Եւ են ոմանք որ զայգիքն թողուն՝ պտկէ, եւ ապա տնկեն. նոյնպէս եւ զպատրուսելն առնեն, զի ծառոց ջուրն զերդ սոսինձ է դարձեալ. բայց մեք յառաջինն եւ 'ի կանուխն եմք հաւան. եւ այլք յետ պտկելոյն փորձ արարին սպատրուեցին նա եղեւ՝ չսղալեաց: Եւ զպատրոյսն թէ կամենաս 'ի ջերմային տեղւոյն 'ի ցուրտն տանել, դու քաղեա եւ դիր 'ի ճառայ, եւ զբերանքն կալ եւ 'ի հիւթ գետին թաղէ, մինչեւ բանուի ցրտայինն եւ իւր ժամն գայ: Եւ փորձած է որ երբ 'ի յերաշտն զայգին լաւ փորես՝ նա փորելն պաղեցուցանէ զտունկն եւ զծարաւն անցուցանէ: Եւ 'ի մայիսն պարտ է փոփոխել զտունկս հով տեղեացն եւ զմեծամեծ ձիթենիսն եւ զայլ ազգ ծառսն:

'Ի մայիս ամսոջ պարտ է աղբել՝ այս նշանովս զոր գրեմք. փորեա եւ բաց աղէկ զտակն ծառոյն, եւ զմաքուր հողն 'ի տակն 'ի վեր կուտեա, եւ աղբն 'ի յինքն չհասանի, եւ ապա զաղբն 'ի շուրջ փորածն լից եւ հողովն ծածկեա. զի թէ 'ի ծառն կամ 'ի տակն հասանի՝ այրէ եւ ապականէ զծառն: Եւ զպատրուսանին յայս ամիսս ջրեա, եւ ջուր 'ի վերայ սրսկեա: Եւ զայն գետինն թէ ուզենայ ոք որ զքաղն սպառէ, յայս ամիսս հնձէ զթրմզին հերն եւ 'ի վերայ խոտին կրէ, որ չորացուցանէ զայլազգ խոտսն, որպէս յառաջագոյն գրեցաք: Եւ ոմանք որ հոգցի ցանեն զթրմուզն 'ի սիզուտ եւ 'ի փշաբեր վայրսն, նա սրբէ զտեղն եւ չորացուցանէ զամէն վայրի խոտսն: Նոյնպէս երբ վաստակես զբուսած եւ զծաղկած թրմուզն հետ այլ խոտին, նա փտի թրմուզն եւ զայլ խոտն 'ի հետ փտեցուցանէ: Են ոմանք որ զթրմուզն 'ի յայգին ցանեն, նա զայլազգ խոտն սպառէ եւ տայ ինքն զիւր պտուղն:

Եւ 'ի մայիս ամսոջն՝ պարտ է զգինին 'ի յայլ աման փոխել. եւ տե՛ս, յոր կարաս որ փոխես եւ նոր լնուս՝ դու 'ի լի չլնուս, զերդ երկու թիզ պակաս լից, որ շունչն եւ ծուխն գինւոյն ելանէ, եւ թէ յիւր մրրէն 'ի հետ լնուի՝ չքննէ: Ապա տե՛ս որ 'ի մէկ այլ կարասն՝ օտար մրուր մնացեալ չլինի, թէ ոչ աւիրէ զամէնն: