Գիրք վաստակոց

'Ի վեցերորդ օրն ամսոյս ելանէ աստղն որ կոչի Ֆէքհէ՝ յարեւելից կողմանէ. եւ յութերորդ օրն ելանէ Ճէտին, որ է Այծեղջիւրն, յարեւմտից կուսէ: Եւ 'ի ԺԸ երորդ օրն ելանէ Տապրանն յարեւմտից կուսէ. 'ի քսան եւ չորրորդ օրն մարի Տապրանն 'ի յարեւցայթքն: 'Ի ԺԱ օրն անկանի Բազմաստղն յարեւելից, եւ անկանի Անագ իւլ-ճէվզայն: 'Ի ԺԴ օրն ելանէ այն աստղն Նիսր իւլ-վագի, որ թարգմանի Անկեալ արծիւ: 'Ի ԺԲ օրն անկանի Տապրանն. եւ 'ի ԺԸ օրն ելանէ Ճէվզայն. եւ անկանի Ֆաքհայն յարեւմուտք: ԺԱ օրն անկանի Ճէվզայն: 'Ի ԺԲ օրն ելանէ Այուխն յարեւելք: ԺԴ օրն շրջի աշունն 'ի ձմեռն: 'Ի ԻԴ օրն ելանէ աստղն Ջրհոս: ԻԵ օրն անկանի Անկած արծիւն յարեւմուտք: ԻԵ օրն անկանի աստղն Գալպ իւլ-էսէտ, որ է Սիրտ առիւծու: 'Ի ԺԹ օրն անկանի Ջրհոսն յարեւմուտք: 'Ի նոյեմբերի Գ օրն անկանի՝ Անկած արծիւն 'ի յարեւմուտք։ Յ է օրն ելանէ 'ի հարաւային կողմն: ԻԳ օրն անկանի Շէրղայն 'ի յարեւմուտք. 'ի ԻԷ օրն ելանէ Սէմմաք ռամիհն յարեւելք. 'ի ԻԷ օրն ժամ է՝ յորում երեւի Ծիծառն: