Գիրք վաստակոց

Ա՛ռ օշինդր լեռնային մէկ նուկի, եւ կապեա 'ի սպրկիկ աստառ, եւ դիր 'ի տասն լիտր գինի յանուշն կամ 'ի մուստառն, եւ 'ի մուստառն լաւ է. եւ մի՛ խիստ լնուր որ չվայթի, զի պիտի որ խիստ եռալ տայ. եւ թէ սալիխա խառնես 'ի ներք՝ լաւ է. եւ յետ ժամանակի 'ի բան տար, թէ մուստառ լինի եւ թէ գինի լինի, յետ ութ աւուրն խմէ: Օգտէ քովուցն ցաւուն, եւ լերդի որ 'ի հովէ ցաւի, եւ թուխմայի եւ արծուեց, եւ քամւոյ, եւ ստամոքսացաւի, եւ զճիճին սպանանէ եւ հանէ 'ի փորոյն. ազնիւ է: