Գիրք վաստակոց

Ա՛ռ հապալաս աղէկ հասուն, սպիտակ, եւ սրբեա 'ի կըտէն եւ 'ի տերեւէն, եւ թո՛ղ անուշ լինի որ կարիցէ ուտվիլ, չորացո 'ի շըքի. եւ ա՛ռ ութ նուկի, ծեծեա եւ մաղեա եւ 'ի յաստառ դիր, եւ չուանով 'ի գինին 'ի կարասն 'ի կախ արա, որ տանի քսան լիտր, եւ զմուստառն 'ի վերայ ա՛ծ եւ թո՛ղ, մինչեւ յեռէ դադարէ աղէկ. եւ ապա հա՛ն զծրարն ձգեա, եւ զգինին ծեփեա. եւ երբ գինենայ աղէկ՝ 'ի բան տար: Օգտէ ստամոքսացն վատուժութեան, եւ զփորն կապէ, եւ զարիւնն կտրէ, եւ զկերակուրն հալէ: Եւ քանի գինիդ հնանայ՝ ա՛յլ աղէկանայ: