Գիրք վաստակոց

Գիտելի է որ նշենին զփաղ եւ զնօսր գետինն ընդունի. զծառին բազուկն ցած ծակեա չորեքկոյս, յերկայն զերդ թիզ մի, եւ թո՛ղ. նա պիտի որ լեղուութեան ջուրն ընդ այն ծակն 'ի վայր քամի 'ի սրտէն, եւ ծառն քաղցրանայ եւ նուշն: Զծիրանն եւս այսպէս արա, որ կուտն քաղցրանայ: Եւ այլք զտակն բանան մինչեւ 'ի վայր շուրջանակի, եւ մարդոյ գոզ եւ խոզից աղբ յիրեար խառնեալ՝ 'ի տակսն լնուն, եւ զհողն 'ի վերայ բերեն. քաղցրանայ նուշն: Եւ գիտելի է որ նշենի ծառին բնութիւնն այս է. զինքն 'ի վերայ տակին կտրես եւ նոր ուռ բողբոջէ եւ ծառ շինես, պիտի որ զիւր բնութիւնն փոխէ եւ զբերն. եւ լինի որ լեղին քաղցր դառնայ: Տե՛ս թէ ծառքն գօսացեալ լինին եւ հնացեալ. կտրեա եւ նորեա, նա լաւանայ. եւ թէ ոչ՝ նա ճար պատրուս է: Եւ տե՛ս, թէ կեղեւն նշին հաստ լինի, եւ ուզես որ նօսրանայ, դու բա՛ց զտակսն 'ի ծաղկին ժամն, եւ անոյշ տաք ջրով ջրեա 'ի շաբաթն երկու երեք հետ, մինչեւ ծաղկաթափի. նօսրանայ կեղեւն եւ լաւանայ: Եւ թէ բեր չբռնէ, որպէս յառաջ եմք գրեալ, զբնահաստ տակն ծակեա գայլիկոնով, եւ 'ի սոնոպրի մարխէ ցից զա՛րկ վռով 'ի ներք, եւ մարդոյ գոզ ա՛ծ 'ի վերայ, եւ ծածկեա, նա արքենի առնէ զբերն: Եւ գիտելի է որ զնշենւոյն պատրոյսն երբ առնուլ կամենաս, 'ի ծայրիցն մի՛ առնուր, 'ի ծոցոյն ա՛ռ եւ 'ի միջէն. եւ իւր պատրուսելոյն ժամն՝ աշնան վերջին ամիսն է փորձով: Եւ թէ ուզես շինել աղուոր իր որ երբ զնուշն կոտորես, նա 'ի վերայ միջին զերդ գրեր լինի, կոտորեա զնուշն պատրաստ, եւ ա՛ռ զմիջուկն անարատ. եւ գրեա 'ի վերայ միջին զոր ինչ կամիս, եւ զինքն պինտ կաւով պատեա յիւր կեղեւին տեղն, եւ թաղեա յաղէկ տեղի. եւ սակաւ մի խոզի աղբ ա՛ծ 'ի վերայ, եւ ծածկեա, եւ թո՛ղ որ բուսանի եւ ծառ լինի. նա զիւր նոր նուշն որ առնէ՝ նոյն գրովն լինի: