Գիրք վաստակոց

Սատապն զածպատերն ու զքարուտ եւ զջերմային վայրսն սիրէ բնութեամբ եւ զարեգինն. եւ յիւր տակն կրակաց մոխիր խիստ ընդունի ածել, որ ջերմութիւն պահէ զինքն. եւ բնաւ աղբ չընդունի, բայց միայն անապակ հող: Եւ ճշմարտած է, որ … իւր ուտելն եւ խմելն, զաչաց լոյսն յորդորէ: Եւ ականջացաւի օգտէ, երբ ծիլ մի 'ի ներք յականջն դնէ, երբ 'ի հովէ ցաւի: Ճանճին ծիրտն 'ի հողն թաղես, անանուխ լինի: Զունտն իւզէրլիկի 'ի բողկին մէջն դիր. խարտալն այլ այսպէս է: Զկտաւատին հունտն 'ի բողկն կամ 'ի թուրինջն խոթեն 'ի հողն թաղեն, թարխուն լինի: Զսոխին, եւ զխստորին ծայրսն խանձես, որչափ պահես՝ չկանաչի: