Սակս ծուխ քաշողաց

ՍԱԿՍ ԾՈՒԽ ՔԱՇՈՂԱՑ

Պատմեմ ձեզ բան յոյժ զանազան,

չարատեսակ եւ անպիտան.

 

Զոր դեւք գործեն յաղօթից ժամ,

առ ժողովուրդն եւ քահանան։

 

Զի ոմանք ի ժամ գան եւ նստին.

կէսքն մի ննջեն եւ մըրափին.

 

Ոմանք կցեալ ձեռօք կանգնեն,

խաչ չի հանեն ի յերեսին.

զԱստուած չյիշեն ամենեւին։

 

Ոմանք կանգնեն նման փայտի,

ծունր չի դնեն յեկեղեցի.

 

Անկնին ի վերայ գաւազանի,

զթիկնունքն տան ընդդէմ պատի

եւ զրուցեն ընդ ընկերի։

 

Ոմանք զրոյց տան ընդ միմեանս,

չունին զականջն յԱստուծոյ բանս.

 

Զի չեն եկեալ յուսով ի ժամս,

նայ յԱստուծոյ զականջն ո՛չ առնուն վարձս։

 

Ոմանք չունին սէր առ Աստուած,

եւ ոչ ունին յոյս եւ հաւատ.

 

Այնպէս նեղին ի ժամտեղաց.

զինչ զընտանեալ կամ տուգանած.

նա Աստուծոյ է դիմադարձ։

 

Սարկաւագներ ամենեքեան

ի յաղօթից խիստ ծուլանան.

 

Վազեն երթան ի մէյխանան

ուտեն խմեն եւ արբենան.

 

Ապա ելեալ ի ժամ գնան.

հագնեն շապիկ կանչեն անհամ,

 

Զիւրեանց բոյերն ի ցոյց կուտան.

վերայ միմեանց յոյժ փքանան։

 

Ոմն կանչէ ձայնիւ ուժգին.

զի յաղթեսցէ զձայն ընկերին.

 

Ոմն կանչէ ձայնիւ ուժգին.

զի յաղթեսցէ զձայն ընկերին.

 

Յորժամ լինի զինքն առանձին

զԱստուած չյիշէ ամենեւին.

 

Բնաւ չառնէ գիրք յիւր ձեռին

եւ ոչ ասէ զհայր մեր յերկինս,

Այլ ծուլացեալ որպէս եւ զիս։

 

Զի լաւ է մանկան լինել ժիր եւ անփառ,

քան թէ ծոյլ եւ խոնարհ։

 

Ոմանք սովոր են ի թութուն.

եւ հետեւող այն պիղծ գործոյն.

 

Վնաս կառնեն իւրեանց հոգւոյն,

հաց մի չունին ի յիւրեանց տուն.

 

Փող մի չունին որ տան հոգոյն.

երթան պարտէօք գնեն թութուն.

 

Յօժար խմեն հետ թուրքերուն.

զմոխիրն տան յիւրեանց գլխոյն.

 

Կամաւ լինին ընկեր դիւուն.

եւ կեր լինին անքուն որդուն։