Տաղեր

Աչքերդ է կանթեղ կազմեալ, ունքերդ է կամար,
Հոգիս,
Ցնծութիւն, բերկրութիւն եղեր ինձ համար.
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն:

Վարդ… վարսոյդ, գունըդ սեւ գոլով,
Հոգիս,
Կարմիր եւ սպիտակ խարնեալ եւ փայլուն.
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն:

Երեսըդ է բոլոր լուսին, թուշդ է վարդագոյն,
Հոգիս,
Կարմիր եւ սպիտակ խառնեալ եւ փայլուն.
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն:

Իմացա, թէ վասն էր ունիս եւ նշան,
Հոգիս,
Իբր թէ հայեաց, ոչ քեզ աչօք չի տան.
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն:

Քալվացքդ է սագայ նման եւ դուն սիրամարգ,
Հոգիս,
Բոյրըդ է սալբին սիրուն եւ գեղեցկակարգ.
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն:

Դաշտեցի Աւեինկ` քեզ եղէ գերի,
Հոգիս,
Ոչինչ չունեմ, հոգիս քեզ ընծայ բերիմ,
Քանզի սիրուն ես, սիրուն,
Գեղեցիկ, պատուական ես դուն,
Սիրուն ես, սիրուն,
Գեղեցիկ, աննման ես դուն: