Տաղեր

*** *** *** ***
Թէ ինչ անօրէն կու լինի, եղեն անհաւատ,
Զալում մարդիքն ոչ խիղճ ունին, ոչ մուրվաթ,
Թող Աստուծոյ ծառայ չի լինի ախքատ,
Ոչ ի ձեռք զալումի ընկնի ղարիպ մարդ:

Արի պախչան մտնունք, հաւասար գարուն է,
Զգինին, որ կու տեսնունք, գիտենք թ՚ արուն է,
Հոգե՛կ, կարմիր խնծոր աղէկն քուկն է,
Զգինին այլ որ կասես, աշըխներուն է:

Կու զարթ իմ նայիմ, գիտեմ թէ ի քաղաքս եմ,
Գիտեմ թէ պաղչան եմ, թէ ի խայալս եմ,
Հարբեր եմ քու սիրուն ու նորահաւաս եմ,
Չգիտեմ, թէ զո՛ր խաղ, կամ զո՛ր տաղ ասեմ: