Տաղեր

Աստուած յերկնից խորնարհեալ,
Բանդ ի բարձանց վայր իջեալ.
Փիտարի փուր ջանի փակ,
Յիսէի փսարի խուտայ:

Գառն գրկին մօր գըգուեալ,
Դասք հրեշտակաց հիացեալ.
Աթայ օղուլ ջան առի,
Յիսէ օղլանի թանղրի:

Երկիր արքայ ի փրկել,
ԶԱդամ զարմօք ազատել.
Փիտարի փուր ջանի փակ,
Յիսէի փսարի խուտայ:

Է տեղական մարդ եղեալ,
Ընդ մեզ աստուած բնակեալ.
Աթայ օղուլ ջան առի,
Յիսէ օղլանի թանղրի:

Թող մեզ զմեղս բազմացեալ,
Ժողովրդեանս քո փրկեալ.
Փիտարի փուր ջանի փակ,
Յիսէի փսարի խուտայ:

Ի յանցանաց զմեզ սրբեա,
Լուսով զխաւար մեր մերժեա.
Աթայ օղուլ ջան առի,
Յիսէի օղլանի թանղրի:

Խնայեա ի մեզ, Տէր խաչեալ,
Ծածկեա զյանցանս մեր գործեալ.
Փիտարի փուր ջանի փակ,
Յիսէի փսարի խուտայ:

Կեցո զծառայս քո գերեալ,
Հա'ն ի բանդէս խաւարեալ.
Աթայ օղուլ ջան առի,
Յիսէի օղլանի թանղրի:

Ձայնեա առ քեզ, քաղցրացեալ,
Ղեկօք հոգոյդ թեւարկեալ,
Փիտարի փուր ջանի փակ,
Յիսէի փսարի խուտայ:

Ճարտար բժիշկ ի բուժել,
Մարտիր առ մեզ ի մաքրել.
Աթայ օղուլ ջան առի,
Յիսէ օղլանի թանղրի:

Յարո զանկեալս եւ մեռեալս,
Նոր նորոգեա զհնացեալս.
Փիտարի փուր ջանի փակ,
Յիսէի փսարի խուտայ:

Շինեա ձեռօք զայս քակեալս,
Ուղղեա շնորհօք զմոլորեալս,
Աթայ օղուլ ջան առի,
Յիսէ օղլանի թանղրի:

Չարչարանօք քո խաչեալ,
Պահեա զմեզ ամրացեալ,
Փիտարի փուր ջանի փակ,
Յիսէի փսարի խուտայ:

Ջանա առ քեզ զմեզ ձգել,
Ռահիւ յերկինս հանել.
Աթայ օղուլ ջան առի,
Յիսէ օղլանի թանղրի:

Սրբեա զժողովս եւ փրկեա
՚Ւ ահեղ արեամբդ գնեա.
Փիտարի փուր ջանի փակ,
Յիսէի փսարի խուտայ:

Տուր զօրութիւն քեւ յաղթել
Րամից դիւաց չարացեալ.
Աթայ օղուլ ջան առի,
Յիսէ օղլանի թանղրի:

Ցօղեալ զցօղ քո բարձրեալ,
Ւիւսեալ զմեզ քեւ յօդեալ.
Փիտարի փուր ջանի փակ,
Յիսէի փսարի խուտայ:

Փառք քեզ, Քրիստոս խոնարհեալ.
Քեզ օրհնութիւն Տէրն բարձեալ.
Աթայ օղուլ ջան առի,
Յիսէ օղլանի թանղրի: