Ողբամ, կոծամ յոյժ լալագին

Ողբամ, կոծամ յոյժ լալագին,
Անկեալ ի մահիճս ցավագին, ո~հ,
Աղաղակեմ կողկողագին, տէ՛ր իմ,
Տէ՛ր իմ, ազատեա՛ զիս:

Քանի՞ մնամ գերիս թշուառ,
Այլ յումեքէ չունիմ ինձ ճար, ո~հ,
Դու ես զօրութիւն իմ եւ կար, տէ՛ր իմ,
Տէ՛ր իմ, ազատեա՛ զիս:

Մի՞թէ վէմ իցեմ կամ մագնիս,
Որ ո՛չ քակտեսցէ ցաւն զիս, ո~հ,
Կամի յինէն մեկնել հոգիս, ո~հ, տէ՛ր իմ,
Տէ՛ր իմ, ազատեա՛ զիս:

Սիրելիք իմ շուրջ զինեւ կան,
Տեսեալ զցաւս իմ, կարի յոյժ լան, ո~հ,
Ողբալի զանձն իմ զոր սգան, տէ՛ր իմ,
Տէ՛ր իմ, ազատեա՛ զիս:

Արտասուելով առ քեզ գոչեմ,
Այրեցեալ սրտիւս հառաչեմ, ո~հ,
Զի բուժեսցես զցաւս աղաչեմ, տէ՛ր իմ,
Տէ՛ր իմ, ազատեա՛ զիս: