Տաղեր

Էշն որ ախոռն կապ մնայ,
Տէրն մոռնայ գարի չի տայ,
Մտօքն շատ գարի կուտէ,
Վասն այնորիկ խիստ կու զռայ:

Կամ թէ հաւն բունն մնայ,
Կինն զթեփ շաղուելն մոռանայ,
Անօթենէն կու կռկռայ,
Մտօքն ի չաճն շուռ կուգայ:

Նոյնպէս եւ դու Խաչիկ էրէց
Դէմ կերակրոց թուքդ կուլ տաս,
Երազիդ շատ բաներ տեսնուս,
Երբ որ զարթնուս, իրք մի չիքայ:

Դուք իմ սիրուն որդիք, եղբայրք,
Հետ ձեզ կերաք եւ խմեցաք,
Կեր ու խումէն չի շահեցաք,
Զիս աղօթից չի մոռնայք:

Քանի բաներ, որ շարեցի`
Ամէնն ձեր սիրուն համար,
Իմ վախթս անցաւ եւ ծերացայ,
Դուք շատ ապրիք ընձի համար:

Ձեռք համբարձեք առ տէր աստուած,
Զի նա գթած է, ողորմած,
Զանթիւ չարիս իմ ոչ յիշէ`
Աղօթիւք արժանաւորաց: