Տաղեր

Ի հոգի խոցեալ եմ գոլով,
Անբուժ վիրոք շրջելով,
Զքեզ վիրացս որոնելով,
Խնդրեմ շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Սովորման մեղաց յորդորումն,
Ո'չ երբէք տայ ինձ դադարումն,
Այլ միշտ ի նոյն առնեմ յածումն.
Մոլի շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Ո'վ Տէր իմ, աստուած ողորմած,
Մարդասէր, ներող եւ գթած,
Դարձո զիս ի կամս քո, աստուած,
Զմիտս շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Ւիւսեալ գործք չարին, որ առ իս,
Մթերեալ ծածկի ներկայիս,
Պահի պատիժ մեղապարտիս.
Զինեւ շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Քարոզող բանիդ կարգեցայ,
Այլ ի գործոյն յոյժ յուլացայ,
Ի կեր եւ յումպս թմրեցայ.
Դատարկ շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Ի խորս մեղաց անդնդական,
Սուզեալ մնամ անզղջական,
Ի մէջ ալեաց տատանական.
Ծփիմ շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Աւաղ կենացս իմ, որ անցին
Եւ ծերութիւնք ժամանեցին,
Սեւ երեսանք ինձ մնացին.
Իզուր շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Սխրանամ ես յայն մեծ օրէն
Ահագին, ահեղ յատենէն,
Զի ճողոպրիլ չկարեմ վճռէն.
Առ որս շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով:

Էհ իմ հարք ՚ւ եղբարք, որ լսէք,
ԵՌԾԻԿ թվին զայս կարդացէք,
Մեզ ողորմիս մի, ասացէք.
Կրկին շրջելով, շրջելով, շրջելով,
Մեղայ Տէր, մեղայ Տէր, գոչելով, գոչելով: