Թարգմանութիւններ

ԵՐԱԺՇՏՈՒԹԻՒՆ

Այս իրիկուն բառ մը չի կայ տրտմագին
Որ պարփակէ լռել ուզող իմ հոգին.
Ճըպոտ մը թող վեր բարձրանայ հոգեթով՝
Իմ երազիս համար մենիկ երգելով ։

Ո՜վ բիւրեղեայ բաժակ, լեցո՜ւն յուշքերով,
Նուագ, քու ջուրդ միայն կու տայ կեանք, կորով,
Ու կը լուծուի քու խորհուրդիդ մէջ հոգիս՝
Ինչպէս շուրթը կը միանայ շրթունքին.

Ոսկի՜ հեծեծ … Օ՜հ, կախարդանք մոգական
Հո՜վ մը թեւի վազեց մարմնին վրայ թեթեւ
Ձեռքեր հըպին մեզ հրեշտակի փափկաթեւ ։

Դաշնակութի՜ւն, դու ես մեր կոյսն օգնական,
Որ սըրտիդ վրայ, ողորմելէ տըղու պէս,
Մեր սիրտն անհուն, մեր խե՜ղճ սիրտը կ՚օրօրես ։