Տաղեր

Հոգիդ Սուրբ Աստուած, որ շրջէիր ի ջուրն,
Լվայ զմարմնոյս եւ զհոգոյս մրուրն:
Որ զմարգարէսն գիտութեամբ լցեր
Եւ զյապագայս եւ ոչ եղեալսն ցուցեր:

Եւ զժողովուրդսն յԵգիպտոսէ հաներ,
Ի յամպն եւ ի ծով զնոցա մկրտեցեր
ԶԲեսելիէլ շնորհիվ զարդարեցեր
Եւ ձեռամբ նորի զխորանն կանգնեցեր:

Զօրութեամբ Քրիստոսին զՄարիամ լցեր,
Բարձրելոյն շնորհիւ նմա հավանեցեր:
Եւ ի Յորդանան աղաւնակերպ իջեր,
Զէակիցն Քրիստոսի աշխարհի յայտնեցեր:

Ի լեառն Թաբօր ամպհովանի եղեր,
Զթմրեալ աշակերտսն ցօղով զարթուցեր:
Ի սուրբ վերնատունն այսօր հնչմամբ իջեր
Եւ սուրբ զառաքեալսն շնորհիւդ քո լցեր:

Եւ զաշհարհս ամէն նոցա վիճակեցեր,
Փառակիցդ քարոզ զնոսա արարեր:
Զամէն ազգ, լեզու ետուր նոցա գիտել
Եւ նոցին բանիւ զազգս առ քեզ դարցուցեր:

Օրհնեալ Սուրբ Հոգին ընդ Հօր եւ Որդոյ յաւէտ,
Սուրբ Երրորդութեան փառք յաւիտեանս, ամէն: