Տաղեր

Զարտասուեմ մեղօք եղկելի,
Թշւառացեալ մարմնով գերի,
Մի՛ լինիր անյոյս եւ թերի.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Աստուածածինն սուրբ կոյս է,
Մեղաւորաց դարձ եւ յոյս է,
Ապագայի կեանք եւ լոյս է,
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Քաջալերեա, սիրտ, եւ խնդա,
Ուրախ լեր, անձն իմ, եւ ցնծա՛,
Զուարճացիր դու եւ բերկրեա.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Աշխարհս ամենայն ունայն է,
Թափուր եւ դատարկ միայն է,
Չարութիւն ի քենէ հանէ.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Րուպ եւ նուազ արարած,
Որ կողոպտէ զմարդն ի կենաց,
Պարտիս ապաւինել յԱստուած.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Ի քեզ յուսանամ Տիրածին
Մարիամ սուրբ Աստուածածին,
Երկրպագեմ քո Միածնին.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես:

Առ յինէն ի քեզ զայս խրատ,
Մի՛ լինիր բնաւ յուսահատ,
Զաքարիաէ երգս այս դրուատ.
Սիրտ իմ, ընդէ՞ր տխուր ես,
Ուրախ լեր, ընդէ՞ր տրտում ես: