Ուղերձներ

Ե րկնահանգոյնդ եւ ամպըդ քաղցրահոսան,
Մըշակդ առաքինութեան բարեաց ժըրաջան,
Պատուաւոր մեծարգոյդ գոլով աննման,
Զարդարեալ տիօք ալեօք բուրաստան։

Ր ամեալ զթիւ կենացդ գոլ ի կատարման,
Խնծորին քատակ ի ծառդ կարմրական,
Խաղողին հանգոյն ծերդ պատուական,
Ճըմլելոյ կաս մընաս մըտեալ ի հընձան։

Ե րկնաւոր արքային բաժակ մաքրական,
Հրեշտակացն սպասեալ առ քեզ կան մընան,
Զի եղեր բարեբուն եւ փարթամական,
Աննենգ՝ աննախանձ սրբոց յար նման։

Մ նացեր սպիտակ արտ գոլ ի հասման,
Հնձելոյ սպասեն դասքըն վերնական,
Զի մըտցես անորոմդ ի կայսեր մառան,
Կերակուր անմահին Տէրըն յաւիտեան։

Ի սէրդ սփռեցաւ սէր Յիսուս փեսայն,
Հարսնանալ անարատ դու եղեր արժան,
Ժամ հասեալ պատրա՛ստ ես գնալ առ փեսայն,
Ժառանգել եւ ցնծալ լուսեղէն խորան։

Ա րարեր ընծայ դու պատրաստական,
Կազմեցեր բարութեան սեղան առ արքայն,
Ընծայես յորժամ գայ Տէրն ի դատաստան,
Եւ առցես փոխարէն զդրախտն անթառամ։

Յ արկ գոլ Սուրբ Հոգոյն տուն եւ բնակարան,
Ի մահու զքեզ փոխէ ի յանմահականս,
Հիւսեցեր ձեռամբդ ըզթագ պատուական,
Նուիրես Տեառըն քո յաւուր գալըստեան։

Ի նմանէ առցես պարգեւս զանազան,
Խնդալ քո եւ պարիլ յերկնից առագաստն,
Եւ ի փոքր կեանս քո անփորձ անսասան,
Թարց չարեաց մընաս Տեառն ընդունարան։

Է ՜յ սիրուն ի սրտէ եւ բոլոր յանձնէ,
Սիրեցեալ հոգոյ 'ւ ի մըտաց տենչէ,
Քաղցրագութ ծընօղ բարի ի բընէ,
Զարդարեալ սրբութեամբ դու ի սկզբանէ։

Ա ՜յ իմ զարդ հոգոյ եւ թագ իմ գլխին,
Խնդութիւն մտաց փառք իմըս անձին,
Ա՜յ իմ բարերար դու հայր պատուական,
Պատճառըդ կենաց իմոյ սկզբան։

Ս իրելի սրբոց ծնօղ իմ բարի,
Պատիւ եւ շնորհք դու ինձ սխրալի,
Հնացեալ աւուրբք գթած ծերունի,
Երկիւղած այր դու եւ հեզահոգի։

Ա րդ քո ծառայէ եւ անպիտանէ,
Գերւոյ քո թըշուառ եւ ոտից հողէ,
Յանառակ յորդւոյ քո Մանուէլէ,
Մատուսցի ողջոյն յեռափարփ յըղձէ։

Ց անկալոյդ բաղձմամբ ի բոլոր սրտէ,
Երկրպագութիւն փափաքմամբ հասցէ,
Մոխրամած դիմօք հանդէպ քեզ դիտէ,
Զմաքրասուն պատկերդ յաւէտ նկատէ։

Ե րկրպագութիւն աջիդ, ողջոյն սուրբ գըրկիդ,
Համբոյր ոտից քոց եւ գարշապարիդ,
Սէր սուրբ քո սիրոյ եւ բոլոր անձինդ,
Ծովով ցամաքով հասցէ ի ձեռինդ։

Ա յլ եւ ընթերցցի առաջի աչաց,
Եւ լուր լինիցի քո սուրբ լըսելեաց,
Ընդդէմ քո կանգնեալ մերձ եւ հպակաց,
Մածեալ ձօնեսցի ի յիղձդ բաղձանաց։

Լ ըռել ոչ կարեմ թէ աւարտեցից,
Նա՛ եւ զորպիսութիւնդ հարցեալ զննեցից,
Զհիկէնն եւ զիա՛րդըն որոնեցից,
Եւ զկենցաղավարութիւնդ ձեր քննեցից։

Ե րես անկեալ կոծիմ լալով առ Տէր մեր,
Զի լիցիս ամբողջ ի պարծանըս մեր,
Անսասան կենօք անձնդ բարեբեր,
Չարն ի քէն անյայտ լիցի ի յաւեր։

Ղ օղեալըս մեղօք թէ հարցանիցես,
Ողջ եմ 'ւ ամբողջ առ Տէր՝ այսպէս գիտասցես,
Սուրբ աղօթիւք քո յա՛ր անփորձ ծանիցես,
Անսայթաք ի չարէ հեռի իմասցես։

ԵՒ ի սուրբ աղօթսդ առ Տէր յիշեսցես,
Ի մաքուր մտացդ զմեզ մի՛ մոռասցես,
Նա՛ քաղցուենոյ մօր իմ եւ ողջոյն տացես,
Սարերով լեռներով բազմապատկեսցես։

( Ձեռ. թիւ 1059, թղ. 28բ-30բ )

( Տուներու սկզբնատառերը կը կարդացուին՝
ԵՐԵՄԻԱՅԻ Է ԱՍԱՑԵԱԼ ԵՂԵԻ )։