Տաղեր

Հա՛յ, մտաք յամիս մարտին,
Ծառերն ամենայն ծաղկին
Հոտն գայր գարնանային,
Լոյսն ելնէ Հայոց զատկին:

ՅԵրուսաղէմ քաղաքին,
Ամէն ազգ հոն ժողովին,
Հաւսար ուրախանային.
Լոյսն ելնէ Հայոց զատկին:

Հայ ու Հապաշ ՚ւ Ասորին,
Շուրջ գան սուրբ գերեզմանին,
Խնդիրքն է Լուսաւորչին.
Լոյսն ելնէ Հայոց զատկին:

Ծնունդն ի Բէթղեհէմին,
Աշխարհս ի հոն հաւաքին
Փա~ռք ի բարձունս երգէին.
Լոյսն ելնէ Հայոց զատկին:

Յեզերն Յորդանան գետին,
Քրիստոս ի ջուրն մկրտին,
Ամէնն ի մեղաց մաքրին.
Լոյսն ելնէ Հայոց զատկին:

Փորձումն ի յանապատին,
Մի՛ տար զմեզ ի փորձութիւն,
Պահէ քո պատուիրանին.
Լոյսն ելնէ Հայոց զատկին:

Յիսուս ի ճանապարհին
տուն գայ ի Զաքէոսին,
Ելեալ ժանտաթզենին.
Լոյսն ելնէ Հայոց զատկին:

Կոյրք կային ճանապարհին,
Ձայնիւ աղաղակէին`
Կատարեցաւ խնդրելին,
Լոյս տվաւ աչաց նոցին:

Ի Բեթանիա գային,
Ննջումն ի Ղազարոսին,
Չորս աւուր մեռեալն յարին,
Եւ քոյրքն ուրախանային:

Բազմեցաւ յաւանակին,
Ժողովք փառաբանէին,
Հանդերձ տարածանէին,
Օրհնեալ եկեալ ասէին:

Տաճարն ի Սողոմոնին
Սաստեց հավտավաճառին,
Ծերք եւ տղայք օրհնէին,
Լոյսն ելնէ Հայոց զատկին:

Վերնատունն ի Յովսէփին
Սկիզբն արար պատարագին,
Յիշատակաւ նորոյ ուխտին
Լոյսն ելնէ Հայոց զատկին:

Նախանձաւոր Յուդային,
Երեսուն արծաթ տւին,
Մատնեց քահանապետին.
Լոյսն ելնէ Հայոց զատկին:

ԶՏէրն անպարտ ի խաչ հանին,
Մէջ երկու աւազակին,
Նա է փրկիչ ամենին.
Լոյսն ելնէ Հայոց զատկին:

Յովսէփ Արեմաթացին
Եկաւ ի Գողգոթային,
Տեսնոյր զՅիսուս կենդանին.
Լոյսն ելնէ Հայոց զատկին:

Ի խաչէն ի վայր առին,
Կտաւով, խնկօք պատեցին,
Դրեցին սուրբ գերեզմանին
Եւ մատանեաւ կնքեցին:

Զինուորքն կու պահէին,
Իւղաբեր կանայքն եկին,
ԶՅիսուս կենդանին տեսին,
Կալան, զոտն երկրպագին:

Յարեաւ զատկին կիրակին,
Եղեւ մեզի փրկութիւն,
Խաչողնին գումարէին.
Լոյսն ելնէ Հայոց զատկին:

Թաթոսն երետ գոհութիւն,
Զբանս ասաց տնօրինին,
Աչօքն է տեսեր զտեղին.
Լոյսն ելնէ Հայոց զատկին: