Տաղեր

Այբն ասէ. Ապրի թագաւորն շատ ժամանակ,
Բէնն ասէ. Բարի թագաւոր մեզի երակ,
Գիմն ասէ. Գանկուռ ոսկէ եւ աշտանակ,
Այբն ասէ. Ապրի թագաւորն շատ ժամանակ:

Դան ասէ. Դու թագաւոր մեզի երակ,
Եչն ասէ. Երեսդ է լոյս զէտ զճրագ,
Զան ասէ. Զի լոյս ծագես մեզ համարձակ.
Այբն ասէ. Ապրի թագաւորն շատ ժամանակ:

Էն ասէ. Եկայք առ քեզ եւ զքեզ տեսաք,
Ըթն ասէ. Ընդ լոյս երեսդ մեք նայեցաք,
Թօն ասէ. Թագաւոր ես դու մեզ հիմակ.
Այբն ասէ. Ապրի թագաւորն շատ ժամանակ:

Ժէն ասէ. Ժողովեցան բազում հրեշտակք,
Ինին ասէ. Ի յերկնից բերեն քեզ լոյս թագ,
Լիւնն ասէ. լոյս ու պայցառ, քան զարեգակ.
Այբն ասէ. Ապրի թագաւորն շատ ժամանակ:

Խէն ասէ. Խնդամք եւ մեք յոյժ եւ փափագ,
Ծան ասէ. Ծառ վարդենուն, որ դուք բուսաք,
Կէնն ասէ. Կարասովն ջուր դառնայ բաժակ.
Այբն ասէ. Ապրի թագաւորն շատ ժամանակ:

Հոն ասէ. Հարսս մաքուր եւ իսպիտակ,
Ձան ասէ. Ձայն թագաւորացն է նմանակ,
Ղատն ասէ. Ղամպարն օրհնած նոյն օրինակ.
Այբն ասէ. Ապրի թագաւորն շատ ժամանակ:

Ճէն ասէ. Ճուղք վարդենուն, մեծ բարունակ,
Մէնն ասէ. Մէջ վարդենուն, որ դուք նստաք,
Յին ասէ. Ելեր ճուղքն հաստ ու բարակ.
Այբն ասէ. Ապրի թագաւորն շատ ժամանակ:

Նուն ասէ. Նոր թագաւոր գեղ ՚ւ ի քաղաք,
Շան ասէ. Շիշէն ի քո ձեռքդ տեսաք,
Ոն ասէ. Ապրի թագաւորն շատ ժամանակ
Այբն ասէ. Ապրի թագաւորն շատ ժամանակ:

Չան ասէ. Չար թշնամին գետնին ատակ,
Պէն ասէ. Պտուղ չարին ի վառ կրակ,
Ջէն ասէ. Ջարդի մարդոյն չար կզակ.
Այբն ասէ. Ապրի թագաւորն շատ ժամանակ:

Ռան ասէ. Ռաբին հասոյց զքեզ որդեակ,
Սէն ասէ. Սուրբ քահանայիւ առիր պսակ,
Վէվն ասէ. Վերաբերէ զքեզ պատարագ.
Այբն ասէ. Ապրի թագաւորն շատ ժամանակ:

Տիւնն ասէ. Տուն Սաբեկայ որդին Սահակ,
Րէն ասէ. Րաբունն երետ զխոյն փոխանակ,
Ցօն ասէ. Ցնծամք եւ մեք եռափափագ.
Այբն ասէ. Ապրի թագաւորն շատ ժամանակ:

Ւիւնն ասէ. Ւիւսին պսակն բոլորակ,
Փիւրն ասէ. Փախչի ի քէն չարն մշակ,
Քէն ասէ. Ես Մարտիրոս եւ անառակ.
Այբն ասէ. Ապրի թագաւորն շատ ժամանակ: