Տաղեր

Այբն ասէ.
Այսօր ըմպեմք,
Բենն ասէ. Բերեք գինի.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Գիմն ասէ. Գինի անուշ,
Դան ասէ. Դուր է տեղիս.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Եչն ասէ. Իջնումք ի վայր,
Զան ասէ. Զիս կոչէցէք.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Էն ասէ. Եմ ես ու ես,
Ըթն ասէ. Ընդ մեզ Աստուած.
Ուրախ լեր, ուրախ լեր, ուրախ լեր:
Տան տանուտէրս ասպնջական, ուրախ լեր:

Թօն ասէ. Թագաւոր եմ ես,
Ժէն ասէ. Ժամանակիս.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Ինն ասէ. Ինչ լաւ եմ ես,
Լիւնն ասէ. Լաւ քան զամէնն.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Խէն ասէ. Խնդամք այսօր,
Ծան ասէ. Ծառայքս ամէն.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Կենն ասէ. Կարաս բացէք,
Հօն ասէ. Հարբեցուցէք.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Ձան ասէ. Ձայնիւ գոչեմ,
Ղատն ասէ. Եղանակեմ.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Ճեն ասէ. Ճեմեմք այսօր,
Մենն ասէ. Մանուկքս ամէն.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Յին ասէ. Յիս խմեցէք,
Նուն ասէ. Նոր շիշանով.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Շան ասէ. Շուտ խմեցէք,
Ոն ասէ. Որ գայ ի յիս.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Չան ասէ. Չերթանք ի տուն,
Պէն ասէ. Պատիւս աղէկ.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Ջէն ասէ. Ջուր է գինիս,
Ռան ասէ. Ռատ տուր ի յիս.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Սեն ասէ. Սպիտակ տւէք,
Վեվն ասէ. Վեց, վեց ու վեց.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Տիւնն ասէ. Տւէք ի յիս,
Րէն ասէ. Րաբունիս.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Ցօն ասէ. Ցնծամք այսօր,
Ւիւն ասէ. Իիւրերս ամէն.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր:

Փիւրն ասէ. Փառք տամք այսօր,
Քէն ասէ. Քահանայիւք.
Ուրախ լեր, ուրախ լեր, ուրախ լեր,
Տան տանուտէրս ասպնջական, ուրախ լեր: