Ջամբռ, Գիրք,որ կոչի յիշատակարան

Ա. Բայազիտ քաղաքն, Դիատին, Նահիայն, Ալաշկերտ Թօփրախ-ղալայն, Բաթնոց, Մանածկերտ՝ իւրեանց շրջակայ գիւղորէիւքն:

Բ. Վան քաղաք, Բերկրի, Մահմուտան, Արճէշ, Արծկէ, Հաղբակ. Հագարու երկիրն, իւրեանց շրջակայ նահանգօք եւ գիւղօրէիւքն:

Գ. Կարսայ երկիրն, Կաղզվան իւրեանց գիւղօրէիւքն:

Դ. Գեղարքունի, Ղրխբուլախ, Շիրակ, Ապարան, Ծաղկունեաց ձորն՝ իւրեանց շրջակայ գիւղօրէիւքն: Յորոց առնոյր զցորեան, զգարի, զոսպ, եւ զայլս այսպիսիս ի ժամանակս շինութեանն:

Ե. Լոռի, Ղազախ, եւ Բամպակաձորն՝ իւրեանց շրջակայ գիւղօրէիւքն. յորոց առնու զփայտեղէն թիս, զչանաղս, զտախտակս, զերկաթեղէնս, եւ զայլս այսպիսիս:

Զ. Թիֆլիզ քաղաքն՝ իւրեան շրջակայիւքն. յորոց առնու զմեղրեայ մոմս եւ զայլս այսպիսիս՝ որպէս եւ ինքեանք արձանագրեալ են ի սուրբ Աթոռոջս ի ձախակողմանն կոյս մեծի դրան սրբոյ Տաճարիս ի ՌՃԼԱ թուականոջն մերում:

Է. Նախիջեւանու երկիրն, եւ տունն Գողթնեաց՝ իւրեանց նահանգօքն: Յորոց առնու զչոր ծիրանս, զնուշս, զբակլայս, զբանջարս, զընկույզս, եւ զայլս այսպիսիս:

Ը. Դաւրէժ քաղաքն, իւրեան շրջակայիւքն. յորոց առնու զջոր խաղողս, զնուշս, եւ զայլս այսպիսիս:

Թ. Գեանջայ քաղաքն, Շամախի, Շիրվան, Բագու, Դարբանդ Նուխի, Պարդաւ, Խաչէնու երկիրն, եւ բոլոր տունն Աղուանից: Յորոց առնու զերկաթս, զերկաթեղէնս, զբրդեղէնս, եւ զայլս այսպիսիս: Յորս եւ Գանձանակ եւս ունի: Ոք թէպէտ են Գանձասարու թեմք, սակայն են հնազանդք սրբոյ Աթոռոյս եւ Աթոռակալի սորին: Որոյ եւ զանունն յիշեն յԵկեղեցիս իւրեանց նախ քան զանուն կաթուղիկոսին իւրեանց: Որոց զլիովին որպիսութիւնսն յայլում տեղւոջ գրեսցուք: