Ջամբռ, Գիրք,որ կոչի յիշատակարան

Զի որովհետեւ ամենայն իրաց (այս ինքն այգեաց, ջրաղացաց, դնկից, ջրոց, տանց, մլքատու գեօղօրէից, եւ այլոց այսպիսեաց, զորս ստացեալ է սուրբ Աթոռս, թէ դրամատուութեամբ առեցեալք եւ թէ վախմատուութեամբ տերանցն տրեցեալք) ղապալայքն եւ վախպնամայքն գրեցան իւրաքանչիւրն ի տեղւոջն իւրեանց հանդերձ պարագայիւքն իւրեանց, վասն որոյ աստանօր ոչ եւս վերակրկնեմ, այլ միայն զորքանութիւնսն գրեմ ցուցանելով թէ՝ այս ինչ իրք եւ կամ այս ինչ գեղջ յաղագաւ այսքան ղապալայք եւ վախուպնամայք եւ կամ այսքան գրեանք գոն յԱթոռոջս: Զի զայս գլուխս առձեռն ունելով, դիւրաւ եւ փութով գտցես եւ գիտասցես թէ՝ այս ինչ գեղջ վեց դանկ մլքին յաղագաւ, եւ կամ այս ինչ այգւոյ եւ այս ինչ ջրաղացի, եւ այլոց այսպիսեաց յաղագաւ այսքան ղապալայք եւ գրեանք գոն: Որպէս տեսանես ի յըստորեւդ:

Ղապալայք Էջմիածնի գեղջս:

Էջմիածնի գեղջս վեց դանկ մլքին ղապալայք:

Ա. Մեր Էջմիածնի գեղջս վեց դանկ մլքին յաղագաւ մեծ կոնդակաձեւ բուն ղապալայ եւ վախուպնամայ, զոր առեալ է մակուեցի Գրիգոր կաթուղիկոսն ի յութ հարիւր երեսուն եւ երկու թուին տաճկաց: Զոր գտցես յերեսն գրեցեալ ցուցակաւն եւ Ա համարով:

Բ. Դարձեալ մեծ եւ կոնդակաձեւ ղապալայ մի եւս վասն Էջմիածնի գեղջս, Աշտարակու, Բաթրինջու, Նորագաւթայ, Աղունատան, Քիրաշլուի, եւ Մողնու գեօղօրէից վեց դանկ մլքին, զոր առեալ է նոյն Գրիգոր կաթուղիկոսն մակուեցի ի յութ հարիւր երեսուն եւ հինգ թուոջն տաճկաց: Զոր գտցես յերեսն գրեցեալ ցուցակաւն եւ Բ համարով: Սորա սաւատ մի եւս գոյ, զոր եւս գիտ ցուցակաւն եւ Բ համարով:

Է. Դարձեալ հին ղապալայք հինգ հատ, զորս առեալ է Ջուղայեցի Յակովբ կաթուղիկոսն ի յոմանց դաւաճանից վասն մլքի գեղջս այսորիկ: Մին ի ՋԿԳ, մին ի ՌԻԱ, մին ի ՌԻԴ, ի ՌԻԷ, ի մին ՌԼ թիւսն տաճկաց գրեցեալք. զոր գտցես ցուցակօքն, եւ Գ համարէն մինչեւ ի Է համարն:

Ժ. Դարձեալ երեք հատ Շխ-իսլամի տուեալ հուճէթք ի բերանոց դատախազից, զորս առեալ է նոյն Յակովբ կաթուղիկոսն ի ՌՀԱ, ի ՌՀԴ, եւ ի ՌՀԷ թիւսն տաճկաց գրեցեալք: Զորս գտցես ցուցակօքն եւ Ը համարէն մինչեւ ի Ժ համարն: Որք եղեն տասն հատ գրեանք եւ ղապալայք վասն մլքատուութեան գեղջս մերոյ Էջմիածնի:

Գոն եւս ռաղամք եւ ֆարմանք թագաւորաց եւ գրեանք խանից եւ փաշայից եւ դիւանագրաց տրեցեալք վասն վեց դանկ մլքին սոյն գեղջս, զորս լիովին ի յիւրաքանչիւր տեղւոջն, եւ մանաւանդ ի ԺԳ գլուխն ի ճառս մլքատուութեանն սոյն գեղջս տեսցես հանդերձ ամենայն պարագայիւքն իւրեանց:

Ի յԷջմիածնի գեօղս այգեաց ղապալայք:

Ղռի այգւոյն մերոյ ղապալայք:

Երկու ղապալայք յանուն Ուռուստամի որդի խօճայ Յովհաննիսին գրեցեալք, ի ՌՂԲ եւ ի ՌՂԷ թիւսն տաճկաց, եւ զորս գտցես ցուցակօքն:

Ղապալայ մի եւս հայերէն, վասն միոյ ջրաղացի եւ միոյ այգւոյ Նորք անուանեցելոյ, զորս առնու Ջուղայեցի Աղէքսանդր կաթուղիկոսն ի յԻւզբաշի Մելքոնի յորդւոցն, ի ՌՃԿԲ թուոջն մերում գրեցեալս:

Ղապալայ մի եւս Հայերէն, զոր գտակակար Աւետիքի որդիքն տան Աղէքսանդր կաթուղիկոսին ջուղայեցւոյ, ի ՌՃԿԱ թուոջն մերում:

Ղապալայք երեք եւս վասն Տէր Նահապետի այգւոյն, զորս առնու Ղազար կաթուղիկոսն Ճահկեցի, մին հայերէն ի ՌՃՂ թուոջն մերում գրեցեալ, եւ երկուքն տաճկերէն ի ՌՃԾԴ թիւսն տաճկաց: Զորս գտցես յերեսն գրեցեալ ցուցակօքն: Որք եղեն եօթն ղապալայք վասն Ղռի այգւոյն մերոյ, զորոց զորպէսն տեսցես ի ԺԶ գլուխն ի ճառս Ղռի այգւոյն լիովին:

Մանկասարենց այգւոյն մերոյ ղապալայք:

Վախուպլամայ մի, հայերէն, վասն չորս տախտակ այգւոյ, զոր տայ Եղիազար կաթուղիկոսին Մանկասարի որդի Մէհրումն, ի ՌՃԼ թուոջն մերում գրեցեալ:

Ղապալայ մի եւս վասն միոյ եւ կիսոյ տախտակ այգւոյ տայ Մանկասարենց Միրիճանի որդի Յարութիւնն Նահապետ կաթուղիկոսին ի ՌՃԴ թուոջն տաճկաց: Զոր գիտ ցուցակաւն:

Դարձեալ ղապալայ մի եւս վեց տախտակի այգւոյ՝ զոր առեալ է Նահապետ կաթուղիկոսն ի Շահրիմանլու-Բայատ-Եօնջալու կոչեցելոյն ի ՌՃԴ թուին տաճկաց: Գտցես ցուցակաւն:

Դարձեալ ի սոյն թուոջս մէկ ղապալայ մի եւս վասն միոյ այգւոյ հնձանաւորի, զոր առնու աթոռակալ Մինաս վարդապետն ի վերոյիշեցեալ Միրիճանի որդի Սահակէն եւ յայլոց ի յանուն սրբոյ Աթոռոյս: Զոր գտցես ցուցակաւն. որք եղեն չորս հատ ղապալայք վասն մեր Մանկասարենց այգւոյն: Զորոց զորպէսն լիովին տես ի ԺԶ գլուխն ի ճառս սոյնոյ այգւոյս:

Մեր վերին այգւոյն ղապալայք:

Ղապալայ մի մեծ, զոր առեալ է Ջուղայեցի Աղէքսանդր կաթուղիկոսն ի տաճկաց, ի ՌՃԻԴ թուին տաճկաց: Գիտ ցուցակաւն:

Դարձեալ ղապալայ մի եւս հայերէն, զոր առնու Աթոռս ձեռամբ վէքիլ Ալէքսանին, ի ՌՃՀԸ թուոջն մերում ի Տէր Մկրտչի որդի Սահակէն:

Եւ ղապալայ մի եւս տաճկերէն նոյնպէս ի ՌՃԽԱ թուին տաճկաց: Զոր գտցես ցուցակօքն:

Դարձեալ երկու ղապալայք եւս՝ մին հայերէն ի ՌՄԺԵ թուոջն մերում գրեցեալ, եւ միւսն տաճկերէն ի ՌՃՀԹ թուին տաճկաց, վասն Ղեւոնդեանց այգւոյն, որ է կից սոյն վերի այգւոյս. զոր մեք առաք. զորս գտցես ցուցակօքն:

Դարձեալ գիր մի եւս ի խանէն մերմէ Հիւսէյին-ալի կոչեցելւոյ, զոր մեք առաք վասն ումեմն տաճիկ պառաւի միոյ դաւաճանի. ի ՌՃՀԸ թուին տաճկաց: Զոր գտցես ցուցակաւն: Որք եղեն վեց թուղթք վասն վերոյ այգւոյն մերոյ. զորոց զորպէսն ի ժԶ գլուխն ի ճառս Վերի այգւոյն տեսցես լիովին:

Խանբաբի կոչեցելոյ այգւոյն մերոյ ղապալայք:

Ղապալայ մի վասն սոյն այգւոյս բոլորին՝ զոր Սիմէօն կաթուղիկոսն Երեւանցի առնու ի Սայիդ կոչեցելոյ տաճկէ միոյ. ի ՌՃՁ թուին տաճկաց: Գիտ երեսն գրեցեալ ցուցակաւն: Ընդ սմին եւ գիր մի ի բերանոյ նոյն տաճկին թէ՝ գին այգւոյս անպակաս ինձ էհաս. կցեալ ընդ ղապալային:

Եւ ղապալայ մի եւս զոր Մատթէոսն էր առեալ ի Խանբաբէն ի ՌՃՀԱ թուին տաճկաց: Եւ հուճէթի սուրէթ մի եւս վասն սոյն այգւոյս. որք եղեն չորս թուղթք վասն սոյն Խանբաբի այգւոյս. զորոց զորպէսն լիովին տես ի ԺԶ գլուխն ի ճառս սոյն այգւոյս:

Ղապալայք վասն աւեր այգետեղեաց մերոց ի գեօղս յայս:

Ղապալայք եւ վախուպնամայք, հայերէն, եւ տաճկերէն, տասն եւ երկու հատ, վասն այգետեղեացն մերոց, որք են ի մէջ սրբոյն Հռիփսիմէի եւ Մանկասարենց այգւոյն մերոյ: Զորոց զորպէսն լիովին տես ի ԺԶ գլուխն ի ճառս այգեացն:

Ղապալայ մի եւս վասն միոյ այգետեղւոյ, զոր Ջուղայեցի Աղէքսանդր կաթուղիկոսն առնու ի յայս գեօղս յԱնանի որդի Մկրտումէն, ի ՌՃԽԵ թուին տաճկաց: Զոր գտցես ցուցակաւն:

Ղապալայ մի եւս վասն միոյ պարտիզի, զոր առնու Աթոռոյս վէքիլ Սարգիսն ի մելիք Յովհաննիսէն. ի ՌՀԹ թուին տաճկաց. գիտ ցուցակաւն: Զորոց ամենեցունց զորպէսն լիովին տե՛ս ի ԺԶ գլուխն ի ճառս այգեացն մերոց՝ որք ի յայս մեր գեօղս:

Դարձեալ հայերէն ղապալայ եւ շարթնամայ՝ զոր Կարփու նահիայի մեծք եւ փոքունք տան սրբոյ Աթոռոյս վասն Խանլղ կոչեցեալ այգւոյն, ի ՌՃԾԵ թուոջն մերում: Զորոյ զորպէսն տես ի ԺԵ գլուխն ի ճառս արտորէիցն:

Ղապալայք վասն ջրաղացից, դնկից, եւ այլոց այսպիսեաց ի յԷջմիածնի գեօղս:

Ղապալայ մի Հայերէն վասն Իւզբաշոնց ջրաղացին, ի ՌՃԿԲ թուոջն մերում:

Ղապալայ մի եւս Հայերէն վասն Մեսրոպենց ջրաղացին, ի ՌՃԿԳ թուոջն մերում:

Ղապալայ մի եւս Հայերէն վասն Կուզալի կէս ջրաղացին, ի ՌՃԿԳ թուոջն մերում:

Ղապալայ մի եւս վասն մեր դնկին զոր Ղազար կաթուղիկոսն առեալ է ի յայս գեօղացի Բուդաղէն ի ՌՃԿԳ թուին տաճկաց: Գիտ ցուցակաւն: Զայս ամենայն լիովին տես ի ԺԷ գլուխն ի ճառս ջրաղացիցն:

Ղապալայք վասն Սէֆիապատ եւ Խաթուն-արխ կոչեցեալ տեղւոյն, որ է ի վայր

հարաւակողմն գեղջս մերոյ ի վերայ Մեծամօր գետոյն եւ է խոտհարք սրբոյ Աթոռոյս:

Ղապալայ մի վասն սոյն տեղւոյս՝ զոր առնու Աստուածատուր կաթուղիկոսն համատանցի ի յԱլիբէկլի գեօղականացն ի ՌՃԼԱ թուին տաճկաց: Գիտ ցուցակաւն:

Գիր մի եւս վասն այսորիկ, վասն վէքիլութեան ոմանց, զի ծախեսցեն զայս տեղիս. գիտ ցուցակաւն:

Շխ-իսլամի գիր մի եւս վասն այսորիկ ի բերանոց նոյն գեօղականացն: Զոր եւս գիտ ցուցակաւն:

Ղապալայ մի եւս վասն այսորիկ, զոր թրակացի Աբրահամ կաթուղիկոսն առնու ի նոյն գեօղականացն ի ՌՃԽԸ թուին տաճկաց: Զոր եւս գիտ ցուցակաւն: Սոցա որպէսն լիովին տես ի ԺԵ գլուխն ի ճառս արտորէիցն:

Ղապալայք վասն ջրոց ի գեօղս յայս, զորս ունի սուրբ Աթոռս:

Ղապալայ մի վասն երից բաժնեաց մի բաժնի ջրոյ յուշականցւոցն, զորս ունին ի գլուխ դաշտիս մերոյ, զոր տուեալ են Աստուածատուր կաթուղիկոսին ի ՌՃԼԴ թուին տաճկաց: Գիտ ցուցակաւն:

Ղապալայ մի վասն Դալմայ կոչեցեալ ջրոյն (որ է Զանգի գետոյն ելեալ գայ ի գեօղս մեր), զոր առեալ է Նահապետ կաթուղիկոսն ի Բուրճալի-բէկ կոչեցեալ տաճկի ազգականացն ի ՌՃԺ թուին տաճկաց: Գիտ ցուցակաւն: Այս երկուց եւ այլոց վասն ջրոց գրեանց որպէսն տես լիովին ի ԺԸ գլուխն ի ճառս ջրոցն:

Ղապալայք տանց որք ի մեր Էջմիածնի գեօղս:

Ղապալայ մի հայերէն, զոր առեալ է Նահապետ կաթուղիկոսն ի յայս գեօղացի Սահրատի որդի Խաչատուրէն, վասն միոյ ձեռք տանց, ի ՌՃԽԲ թուոջն մերում. որ է մեր բաղնեաց տեղն:

Ղապալայ մի եւս վասն միոյ տան, զոր Նահապետ կաթուղիկոսն առնու ի նոյն գեօղացի Մարտիրոսի որդւոցն, ի ՌՃԽԴ թուոջն մերում. որ է ի մէջ Ղազարապատին:

Ղապալայ մի եւս տաճկերէն, զոր Աղէքսանդր կաթուղիկոսն Ջուղայեցի առնու ի յայս գեօղացի Անտօնի յորդւոցն վասն հինգից տանց. ի ՌՃԻԵ թուին տաճկաց: Գիտ ցուցակաւն: Որ էր օթարի կեցեալ տունն, զոր մեք փակեցաք ընդ այլոցն. զայսցանեաց որպէսն տես լիովին ի ԺԹ գլուխն ի ճառս տանց:

Ղապալայք Յօշականայ գեղջն, որ է մուլք սրբոյ Աթոռոյս:

Ղապալայք վասն մլքին գեղջս այսորիկ:

Ա. Բ. Ղապալայք երկուք վասն կէս դանկ մլքին գեղջս այսորիկ, զորս առնու Փիլիպպոս կաթուղիկոսն ի սհաթլուեցի Սուլթան բէկ տաճկէն ի ՌԾ, եւ ի ՌԾԱ թիւսն տաճկաց գրեցեալք: Զորս գտցես ցուցակօքն եւ Ա եւ Բ համարով: Որոց սուրէթ մի եւս գոյ սոցա նշանիւքն: Ա համարով:

Գ. Դարձեալ ղապալայ մի վասն միոյ դանկ մլքին գեղջս այսորիկ, զոր առնու նոյն կաթուղիկոսն ի Բաբայ, ի Բանղալու եւ ի Բէկում տաճկացն. ի ՌԾԱ թուին տաճկաց: Զոր գտցես ցուցակաւն եւ Գ համարով:

Դ. Դարձեալ ղապալայ մի վասն կէս դանկ մլքին գեղջս այսորիկ, զոր առնու նոյն երանելին ի Հասան եւ ի Հիւսէյին տաճկաց. ի ՌԾԱ թուին տաճկաց: Զոր գիտ ցուցակաւն եւ Դ համարով:

Ե. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Սուլթանբէկ եւ ի Մէվլամ-ղուլիբէկ տաճկացն ի ՌԾԲ թուին տաճկաց: Գիտ ցուցակաւն եւ Ե համարով: Սորա սուրէթ մի եւս գոյ:

Զ. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Սէֆի-ղուլիբէկ եւ ի Մեժլումբէկ տաճկացն, ի ՌԾԳ թուին տաճկաց: Գիտ ցուցակաւն եւ Զ համարով:

Է. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Շահզէյնալ տաճկէն ի ՌԾԴ թուին տաճկաց: Գիտ ցուցակաւն եւ Է համարով:

Ը. Դարձեալ ղապալայ մի վասն կէս դանկ մլքին գեղջս այսորիկ, զոր առնու նոյն երանելին ի Մէջլում բէկ տաճկէն. ի ՌԾԵ թուին տաճկաց: Գիտ ցուցակաւն եւ Ը համարով:

Թ. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Հիւսէյին բէկին ի ՌԾԵ թուին տաճկաց: Սորա երկու սուրէթ եւս գոն: Զորս գտցես ցուցակօքն եւ Թ համարով:

Ժ. Դարձեալ ղապալայ մի վասն կէս դանկ մլքին գեղջս այսորիկ, զոր առնու Յակովբ կաթուղիկոսն Ջուղայեցի ի Խանադան-ղուլի տաճկէն ի ՌԿԶ թուին տաճկաց: Գիտ ցուցակաւն եւ Ժ համարով:

ԺԱ. Դարձեալ ղապալայ մի վասն կէս դանկ մլքին գեղջս այսորիկ, զոր առնու նոյն երանելին ի Տարկեահ տաճկէն. ի ՌՀԷ թուին տաճկաց: Գիտ ցուցակաւն եւ ԺԱ համարով:

ԺԲ. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Սէֆի ղուլի տաճկէն ի ՌՁԳ թուին տաճկաց: Գիտ ցուցակաւն եւ ԺԲ համարով:

ԺԳ. Դարձեալ ղապալայ մի վասն կէս դանկ մլքին գեղջս այսորիկ. զոր առնու Ոնոփրիոս վարդապետն ի Սէֆի-ղուլի տաճկէն ի ՌՂԱ թուին տաճկաց: Սորա աղագաւ հուճէթ մի եւս գոյ ի Շխ-իսլամէ տուեալ ի ՌՁԴ թուին տաճկաց: Գիտ ցուցակաւն եւ ԺԳ համարով զղապալայն եւ զհուճաթն եւս:

ԺԴ. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին Յակովբ կաթուղիկոսն ի Մուշուտ տաճկէն ի ՌՂԱ թուին տաճկաց: Գիտ ցուցակաւն եւ ԺԴ համարով:

ԺԵ. Դարձեալ ղապալայ մի վասն կէս դանկ մլքին գեղջս այսորիկ. զոր առնու նոյն երանելին ի Հայ Գասպարէն ի ՌՂԲ թուին տաճկաց: Գիտ ցուցակաւն եւ ԺԵ համարով:

ԺԶ. Դարձեալ ղապալայ մի վասն վեց դանկ մլքին Մանկանոց կոչեցեալ մահլային. զոր առնու նոյն երանելին ի յեասաղուլ Նաբիբէկ տաճկէն ի ՌՀԸ թուին տաճկաց: Գիտ ցուցակաւն եւ ԺԶ համարով. սորա հին ղապալայն եւս գիտ ցուցակաւն եւ ԺԶ համարով: Սորա Ա սաւաթ եւս գոյ, գիտ նոյն ԺԶ համարովն:

ԺԷ. ԺԸ. ԺԹ. Ի. Դարձեալ չորս հատ եւս հուճէթք ի բերանոց դաւաճանից առեալ ի ՌՁԷ, ի ՌՂ, ի ՌՂԴ եւ ի ՌՂԶ թիւսն տաճկաց գրեցեալք: Զորս գտցես ցուցակօքն եւ ի ԺԷ համարէն մինչեւ ի Ի համարն:

ԻԱ. Դաձեալ ղապալայ մի մեծ հին եւ կոնդակաձեւ վասն վեց դանկ մլքին գեղջս այսորիկ. զոր առեալ են ի հին տերանցն: Յորում գրի գեօղս չորիւք սահմանօքն, գրեցեալ ի յԸՃՂԴ թուին տաճկաց: Գիտ ցուցակաւն եւ ԻԱ համարով:

Լ. Այլ եւ ընդ սմին առեալ են երանելիքն մեր զհին ղապալայս վասն մլքին գեղջս այսորիկ ի հին տերանց, Թ. հատ: Զորս գտցես ցուցակօքն եւ ԻԲ համարէն մինչեւ ի Լ համարն:

ԼԱ. ԼԲ. Դարձեալ սոյն Յօշականու գեօղականքս զերկուս ղապալայս եւս տան սրբոյ Աթոռոյս, մին Աստուածատուր կաթուղիկոսին ի ՌՃԼԴ թուին տաճկաց, եւ զմիւսն Կարապետ կաթուղիկոսին ի ՌՃԼԸ թուին տաճկաց, վասն կրկին մուլք տալոյ սրբոյ Աթոռոյս: Զոր գտցես ցուցակօքն եւ ԼԱ եւ ԼԲ համարօքն: Սոյնանման եւ սոյնահամար թուղթ մի եւս գոյ, որք եղեն ընդ ամենն Խ հատ թուղթք վասն Յօշականու մլքատուութեանն: Որոց զորպէսն լիովին պարագայիւքն իւրեանց տես ի ԺԳ գլուխն ի ճառս մլքատուութեան սոյն գեղջս:

Ղապալայք վասն այգեաց սրբոյ Աթոռոյս որք ի Յօշական:

Ղապալայ մի վասն մասին մեծ այգւոյն՝ որ կոչի Ներքի-այգի, զոր առնու Մելքիսէթ կաթուղիկոսն ի յԱլի-ղուլի տաճկէն, ի ՌԵ թուին տաճկաց: Գիտ ցուցակաւն:

Սօհլամայ1) մի վասն մասին սոյն այգւոյս, զոր առնու Փիլիպպոս կաթուղիկոսն ի Մեհտի-վեզիրէն. ի ՌԾԶ թուին տաճկաց: Գիտ ցուցակաւն:

Ղապալայ մի Հայերէն վասն մասին սոյն այգւոյս, զոր առնու Աբրահամ կաթուղիկոսն թրակացի ի կարփեցի Անտօնի յորդւոցն ի ՌՃՁԴ թուին մերում: Գիտ ցուցակաւն:

Դարձեալ ղապալայ մի վասն միւս Արեգունի այգւոյն մերոյ (որ կոչի Վերի-այգի) միոյ մասին, զոր առնու Աթոռս ի Բաբամի որդի Մուրատէն ի ՌՂԷ թուին տաճկաց: Գիտ ցուցակաւն. որք եղեն չորս հատ թուղթք վասն երկուց այգեաց մերոց Յօշականու: Որոց զորպէսն լիովին տես ի ... գլուխն ի ճառս այգեացն Յօշականու:

Դարձեալ երկու վախուպլամայք, մին հայերէն ի ՌՃԽ թուոջն մերում գրեցեալ, եւ միւսն տաճկերէն ի ՌՃԲ թուոջն տաճկաց գրեցեալ՝ ի ժամանակս Եղիազար կաթուղիկոսին: Երկու ղապալայ եւս հին, զորս տայ սրբոյ Աթոռոյս մուղնեցի Հայրապետի որդի գրագիր Ալէքսանն վասն միոյ այգւոյ, զորս գտցես ցուցակաւն:

Դարձեալ ղապալայ մի զոր առնու Աթոռակալ Մինաս վարդապետն վասն միոյ այգւոյ ի Թումանէն, ի Մուրատէն, եւ յայլոց գեօղականացն, ի ՌՃԲ թուին տաճկաց, զոր գտցես ցուցակաւն:

Դարձեալ ղապալայ մի վասն միոյ այգւոյ զոր առնու նոյն Մինաս վարդապետն ձեռամբ Թումանին ի Մարիամէն ի ժամանակս Նահապետ կաթուղիկոսին, ի ՌՃԴ թուին տաճկաց: Գիտ ցուցակաւն:

Դարձեալ ղապալայ մի վասն միոյ այգւոյ, զոր առնու Նահապետ կաթուղիկոսն ի Մարուք վարդապետէն ի ՌՃԳ թուին տաճկաց: Գիտ ցուցակաւն:

Դարձեալ ղապալայ մի մեծ հին գրեցեալ ի ՌՃԻԶ թուոջն տաճկաց, եւ ղապալայ մի նոր ի ՌՃԼԱ թուին տաճկաց, վասն ինն այգւոյ եւ տասն եւ երկու ջրաղացից, զորս առնու Աստուածատուր կաթուղիկոսն ի յԵրեւանցի խօճա Մովսիսէն: Գիտ ցուցակօքն:

Դարձեալ ղապալայ մի վասն քսան այգւոյ եւ հինգ ջրաղացից, զորս առնու Աստուածատուր կաթուղիկոսն ի սհաթլուեցի Վազիրէն, ի ՌՃԼԴ թուին տաճկաց: Գիտ ցուցակօքն:

Դարձեալ երկու հայերէն ղապալայք վասն երկու տախտակ այգւոյ, եւ մէկ կարասալի շիրախանայի, զորս առնու Ղազար կաթուղիկոսի սպասաւոր Նիկողայոս վարդապետն ի Յարութիւնէն, ի ՌՃՂԴ թուոջն մերում: Զորս գիտ եւ տես:

Դարձեալ ղապալայ մի վասն միոյ այգւոյ, զոր առնու սուրբ Հռիփսիմէի առաջնորդ Անտօն վարդապետն ի Բռումենց տղայոցն, ի ՌՃԽԸ թուին տաճկաց: Գիտ ցուցակաւն:

Դարձեալ ղապալայ մի վասն միոյ այգւոյ, զոր առնու սուրբ Շողակաթի առաջնորդ Մարտիրոս վարդապետն ի Մատթէոսէն, ի ՌՃԽԸ թուին տաճկաց: Գիտ ցուցակաւն:

Դարձեալ ղապալայ մի վասն միոյ այգւոյ, զոր սուրբ Հռիփսիմէի եւ սուրբ Շողակաթի առաջնորդ Անտօն եւ Մարտիրոս վարդապետքն առնուն ի Բռումենց. ի ՌՃՁԵ թուոջն մերում:

Դարձեալ երկու հայերէն ղապալայք, մին վասն միոյ այգւոյ, զոր սուրբ Գայիանէի առաջնորդ Եղիազար վարդապետն առնու ի Քիւթուրէն ի ՌՃՂԷ, եւ մինն վասն երկու Շիրախանայի եւ տասն կարասի. զորս առնու ի Ղեւոնդենց Գրիգորէն, ի ՌՄ թուին մերոյ:

Դարձեալ չորս հատ ղապալայք հայերէն եւ մին տաճկերէն վասն երեք հնձանի եւ երկու մարաքի. զորս առնու սուրբ Աթոռս ի յայս գեօղացւոցս, ի ՌՃԾԸ, ի ՌՃԿԱ, ի ՌՃՀԱ, ի ՌՃՁԷ թուոջն մերում եւ ի ՌՀԸ թուին տաճկաց: Զորս գիտ եւ տես: Որք եղեն ընդ ամենն ... ղապալայք այգեաց եւ հնձանաց Յօշականու: Զորոց որպէսն լիովին ի ԺԶ գլուխն եւ ի ճառս սոյն գեղջս այգեացն տեսցես:

Ղապալայք Յօշականու ջրաղացից, ձիթահանքից:

Ղապալայ մի վասն վեց ջրաղացից, զորս առնու Ջուղայեցի Յակովբ կաթուղիկոսն ի Բռումենց Առաքելի յորդւոցն, ի ՌՀԳ թուին տաճկաց: Գիտ ցուցակաւն:

Ղապալայ մի վասն միոյ ջրաղացի եւ միոյ այգւոյ, զորս առնու սուրբ Աթոռս վեքիլ Դաւթին ձեռօքն ի Տէր Հայրապետի դուստր Կեօքլուէն, ի ՌԺԳ թուին տաճկաց. գիտ ցուցակաւն: Զորպէսն սոցա տես լիովին ի ԺԷ գլուխն ի ճառս սոյնոյ գեօղիս ջրաղացից:

Ղապալայք վասն Ֆռանկանոց գեօղի վեց դանկ մլքին

Ա. Ղապալայ մի վասն սոյ նոյ գեղջս վեց դանկ մլքին, զոր առնու Ջուղայեցի Յակովբ կաթուղիկոսն ի յարալղցի Ալի-աղայի յորդւոցն ի ՌԿԶ թուին տաճկաց: Գիտ ցուցակաւն եւ Ա համարով: Ընդ սմին առնու եւ զհին ղապալայն սոյն գեղջս, զոր Ահըլուլայն տայ Իպրահիմ եւ Սուլէյման տաճկացն, որ գրի ի ՌԽԲ թուին տաճկաց, զոր եւս գիտ ցուցակաւն:

Բ. Ղապալայ մի եւս՝ զոր սոյն գեօղականքս տան Աբրահամ կաթուղիկոսին մշեցւոյ, վասն կրկին մուլք տալոյ սրբոյ Աթոռոյս, ի ՌՃԽԴ թուին տաճկաց: Գիտ ցուցակաւն եւ Բ ... : Գիր մի եւս սոյն գեղջս աղայ Մուստաֆայ բեկն տայ վկայական եւ հաւանական վասն այսորիկ, զոր եւս գտցես ցուցակաւն եւ Բ համարով:

Գ. Գիր մի եւս բազմակնիք, խանի, շարի եւ այլոց տաճկաց կնքով վկայութիւնք վասն սոյնոյ գեղջս թէ՝ ի բնէ անտի մլքատու է Էջմիածնի. ի ՌՃՀԶ թուին տաճկաց: Գիտ ցուցակաւն եւ Գ համարով:

Դ. Գիր մի եւս Հիւսէյին Ալի-խանին տուեալ վասն երեք դանկ մուլքին սոյն գեղջս, գիտ ցուցակաւն: Յիշեցաւ ի ճառս սոյն գեղջս: Զայս ամենայն լիովին տես ի ԺԳ գլուխն ի ճառս սոյն գեղջս: Գիտ զայս Դ համարով:

Ղապալայք եւ գիրք վասն վեց դանկ մլքի Մաստարայ գեղջն:

Ա. Ղապալայ մի վասն երկու եւ կէս դանկ մլքին գեղջս այսորիկ. զոր սոյն գեօղացի Ոսկանի որդի Թարխանն առնու ի Բատրխանի որդի Մահամատէն ի ՌԿԶ թուին տաճկաց, եւ ի ՌԿԷ թուին տաճկաց: Ի գլուխ նոյնոյ ղապալային վախմնամայ գրեցուցեալ տաճկերէն տայ սրբոյ Աթոռոյս: Զորս գտցես ցուցակաւն եւ Ա համարով:

Ա. Դարձեալ հուճէթ մի ի բերանոյ Ալփաւուտ Իպրահիմ խալիֆայի որդի Ռազաղուլուն վասն սոյն երկու եւ կէս դանկիս, ի ՌՀԵ թուին տաճկաց: Յորում յիշի թէ՝ Կեատուր գեօղի վեց դանկ մուլքն սոյն տաճիկս ծախեալ է Աթոռոյս: Զոր գտցես ցուցակաւն եւ Ա համարով:

Բ. Դարձեալ ղապալայ մի վասն միոյ դանկի երեք բաժին մլքին գեղջս այսորիկ, զոր առնու Ջուղայեցի Աղէքսանդր կաթուղիկոսն ի Սարգսի որդի Մհերէն ի ՌՃԻԱ թուին տաճկաց: Գիտ ցուցակաւն եւ Բ համարով:

Գ. Դարձեալ ղապալայ մի Հայերէն վասն կէս դանկ մլքին գեղջս այսորիկ. զոր առնու Աթոռս ի նոյն Մհերի թոռանցն, ի ՌՃԿԳ թուին մերում: Գիտ եւ տես Գ համարով:

Դ. Դարձեալ ղապալայ մի վասն միոյ դանկ մլքին գեղջս, զոր առնու Աստուածատուր կաթուղիկոսն ի նոյն Մհերի թոռանցն, ի ՌՃԼԲ թուին տաճկաց: Գիտ ցուցակաւն եւ Դ համարով:

Ե. Դարձեալ հին եւ բուն ղապալայ վասն վեց դանկ մլքին գեղջս այսորիկ. յորում գրի գեօղս այս սահմանօքն, զոր առնուն ղօռչի Մահմատ աղայն եւ Սէյիդի որդի Մահամատ աղայն ի Միրաշահի յորդւոցն, ի ՋԽԵ թուին տաճկաց: Գիտ ցուցակաւն եւ Ե համարով: Զվերոյ գրեցեալսդ տես լիովին հանդերձ պարագայիւքն ի ԺԳ գլուխն ի ճառս սոյն գեղջս: Զգրեանսն թագաւորաց եւ իշխողաց յիւրաքանչիւր տեղւոջն տեսցես:

Ղապալայք եւ գրեանք վասն Քերաշլու գեօղի (որ է յԱպարանու նահիէն. ) մլքատուութեանն սրբոյ Աթոռոյս: Սա Փիրի-Տաւրիշ եւս կոչի:

Ղապալայ մի մեծ վասն սոյն գեղջս ընդ այլոց վեցից գեօղօրէից, զոր Գրիգոր կաթուղիկոսն մակուեցի առնու ի յԱմիր Ռուստամէն: Զոր տես ի վերդ ի ղապալայս Էջմիածնի գեղջս:

Ա. Դարձեալ գիր մի ի դաւաճանի բերանոյ, զոր առնու Փիլիպպոս կաթուղիկոսն վասն վեց դանկ մլքին գեղջս, ի ՌԿԴ թուին տաճկաց: Տես ցուցակաւն եւ Ա համարով:

Բ. Դարձեալ գիր մի ի դաւաճանէն, զոր առնու Յակովբ կաթուղիկոսն Ջուղայեցի ի ՌՁԲ թուին տաճկաց: Տես ցուցակաւն եւ Բ համարով:

Գ. Դարձեալ գիր մի ի դաւաճանէն, զոր առնու Լուսարար Ստեփաննոս վարդապետն, ի ՌՂԴ թուին տաճկաց: Գիտ ցուցակաւն եւ Գ համարով:

Դ. Դարձեալ գիր մի ի դաւաճանէ, զոր առնու Նահապետ կաթուղիկոսն, ի ՌՃԺԳ թուին տաճկաց: Գիտ ցուցակաւն եւ Դ համարով: Զայս ամենայն լիովին պարագայիւքն տեսցես ի ԺԳ գլուխն ի ճառս սոյն գեղջս:

Ղապալայն վասն Մուղնի գեղջ վեց դանկ մլքին, որ է սրբոյ Աթոռոյս:

Ղապալայն մեծ, զոր առնու Մակուեցի Գրիգոր կաթուղիկոսն վասն եօթեանց գեօղօրէից: Տես լիովին ի ԺԳ գլուխն ի ճառս սոյն գեղջ:

Ա. Հուճէթ մի ի բերանոյ դատախազից վասն մլքին գեղջս, զոր առնու սրբոյն Գէորգայ վանից առաջնորդ Դաւիթ վարդապետն, ի ՌՁԶ թուին տաճկաց: Զոր գիտ ցուցակաւն եւ Ա համարով:

Դիպաքլու գեղջ (որ հայերէն Սանտ կոչի):

Ա. Հին ղապալայ մի գոյ գրեցեալ ի ՋՂԳ թուին տաճկաց. զոեւ ծախեն Մահմատ եւ Ահմատ աղայքն Իպրահիմ խալիֆայ տաճկին: Յորում գրի գեօղս սահմանօքն: Եւ զայլ ամենայն որպէսն տես ի Քիրաշլու գեղջ յորպիսութեանն, եւ ի ճառս սոյն գեղջ:

Քէշիշքեանտ, որ Չալապի-Քեանտ եւ Այտին Տավրիշ եւս կոչի.

որոյ վեց դանկ մուլքմ սրբոյ Աթոռոյս է:

Ա. Ղապալայ մի վասն վեց դանկ մլքին սորա, զոր առնու Յակովբ կաթուղիկոսն Ջուղայեցի ի Ղուլ-Ֆահրատ եւ ի Ղուլ-Իսմայէլ տաճկացն, ի ՌՁԲ թուին տաճկաց: Գիտ ցուցակաւն եւ Ա համարովն:

Բ. Գիր մի եւս ի սոյն Իսմայէլէս, ի լուսանցն եւ խանի գիր եւ կնիքն: Զոր գտցես ցուցակաւն եւ Բ համարով:

Գ. Ղապալայն սորա հին, գրեցեալ ի ՋՁ թուին տաճկաց: Զոր գիտ ցուցակաւն եւ Գ համարովն: Եւ զայլ որպէսն լիովին տես ի Քիրաշլուն:

Ղապալայք վասն Նորագեղու, որ է ի մերձ Երեւանու:

Ա. Բ. Ղապալայք եւ վախուպնամայք երկուք, մեծք եւ բազմակնիք, վասն վեց դանկ մլքին Նորագեղու, չորս եւ կէս դանկ մլքին Եղուարդայ, եւ Մարխանենց այգւոյն որ յԵրեւան, եւ մէկ այգւոյ ի Ձորագեօղ, եւ միոյ ջրաղացի ի Ձորագեօղ զորս տայ յիշատակ սրբոյ Աթոռոյս խօճայ Սեթի որդի խօճա Յակովբճանն, ի ՌԿԹ թուին տաճկաց: Զորս գտցես ցուցակաւն եւ Ա եւ Բ համարով: Տես զորպէսն լիովին ի ԺԳ գլուխն ի ճառս սոյն գեօղիս:

Ղապալայ մի եւս վասն միոյ այգւոյ ի սոյն գեօղս, զոր առնու Ջուղայեցի, Աղէքսանդր կաթուղիկոսն ի դամուրբուլաղցի Հասան աղայէն, ի ՌՃԻԶ թուին տաճկաց: Գիտ ցուցակաւն եւ ... եւ հին ղապալայն սորա եւս գիտ՝ որ գրի ի ՌՃԻԱ թուին տաճկաց:

Ղապալայն Սիրախանի այգւոյն այն, որ ասացաւ ի ... գլուխն ի ճառս սոյն գեղջս, եւ ի ... գլուխն ի ճառս տանցն Երեւանու, ի ՌՃԽԴ թուին տաճկաց: Գիտ ցուցակաւն եւ ... :

Հուճէթ մի կրկնեցեալ վասն միոյ այգւոյ (որ Համաղի բաղ եւ Քեօշկի Համզա կոչի) ի բերանոյ Ֆաթմային, ի ՌՃԻԶ եւ ի ՌՃԻԸ թիւսն տաճկաց գրեցեալ: Գիտ ցուցակաւն եւ ... :

Դարձեալ երկու հուճէթք եւս վասն սոյն այգւոյս, մին ի Ֆաթմայէն նոյնոյ, ի հազար հարիւր քսան եւ երեք, եւ միւսն ի Մահմատ-ղասում բեկէն, ի ՌՃԼԱ թիւս տաճկաց գրեցեալք: Զորս գտցես ցուցակօքն եւ ... համարով: Տե՛ս ի ԺԶ գլուխն ի ճառս այգեացն Նորագեղու զորպէսն սոցա լիովին:

Ղապալայք եւ գրեանք վասն Եղուարդայ գեղջն:

Ա. Ղապալայք երկուք վասն չորս եւ կէս դանկ մլքին գեղջս այսորիկ, զորս յիշեցաք ի վերդ ի ճառս ղապալայիցն Նորագեղու:

Ա. Հուճէթ մի ի բերանոյ դատախազի առեալ վասն սոյն մլքիս, ի ՌԿԴ թուին տաճկաց: Գիտ ցուցակաւն եւ Ա համարով: Եւ ռաղամ մի եւս վասն այսորիկ: Եւ զայլ որպէսն լիովին տես ի ԺԲ գլուխն ի ճառս սոյն գեղջ:

Ղապալայք վասն Նոր գեօղին:

Ա. Ղապալայ մի վասն վեց դանկ մլքին գեղջս այսորիկ, զոր առնու Ջուղայեցի Յակովբ կաթուղիկոսն ի խօճա Սեթի թոռն Սարուխանէն, ի ՌՁԵ թուին տաճկաց: Գիտ ցուցակաւն եւ Ա համարով:

Բ. Ղապալայ մի եւս հին վասն սոյն գեղջ վեց դանկ մլքին, զոր առնու Ամիրկիւնէ խանի որդի Նազրկեօնն ի յայլոց տաճկաց, ի ՌԻԷ թուին տաճկաց: Գիտ ցուցակաւն եւ Բ համարով: Եւ զայլ զորպէսն լիովին տես ի ԺԳ գլուխն ի ճառս մլքատուութեան սոյն գեղջս:

Ղապալայք եւս երեք հատ, մին Հայերէն՝ ի ՌՃՁԵ թուին մերում, եւ երկուքն տաճկերէն՝ ի ՌՃԽԲ, եւ ի ՌՃԽԵ թիւսն տաճկաց գրեցեալքն. որովք նորքցի Մարգարի որդի մահտեսի Զաքարիայն զիւր տունսն, զհինգ այգիսն եւ զամենայն ունեցեալսն ծախէ սրբոյ Աթոռոյս: Գիտ ցուցակաւն: Զորպէսն լիովին տես ի ԺԶ գլուխն, ի ճառս այգեաց սոյն գեղջս:

Ղապալայք Եայճի եւ Ամիրի գեօղ կոչեցեալ գիւղօրէից:

Ա. Ղապալայք վասն Եայճի կոչեցեալ գեղջս, որ է յերկիրս յԵրեւան ի Ծաղկունեաց ձորն, որոյ վեց դանկ մուլքն է սրբոյ Աթոռոյս, եւ վասն Ամիրի գեօղ կոչեցելոյն որ է ի Գեօղարքունի, որոյ չորս դանկ եւ կէս մուլքն է սրբոյ Աթոռոյս. ի ՌՀԱ թուին տաճկաց: Զոր գտցես ցուցակաւն եւ Ա համարով:

Դարձեալ վասն այսորիկ ռաղամի սուրէթ մի շարի կնքով, ի ՌԾԸ թուին տաճկաց: Գիտ ցուցակաւն եւ ... համարով: Զորոց զորպէսն տես լիովին ի ԺԳ գլուխն ի ճառս սոյն գեօղօրէից:

Ղապալայ Բոխենիս գեղջ:

Ա. Ղապալայ եւ վախմնամայ մի վասն Բոխենիս կոչեցեալ գեղջն (որ տաճկերէն Չաշուրլու ասի, որ է ի Կարփու նահիէն ի սիրտն Արագածու մերձ Ամբերթ կոչեցեալ ամրոցին) վեց դանկ մլքին, որ է սրբոյ Աթոռոյս. ի ՌՀԱ թուին տաճկաց: Զորս գտցես ցուցակաւն եւ Ա համարովն: Զորպէսն լիովին տես ի ԺԳ գլուխն ի ճառս սոյն գեղջ:

Ղապալայ Ծօփանիս գեղջ:

Ա. Գիր մի վասն Ծօփանիս կոչեցեալ գեղջն (որ է ի Կարփու նահիէն) մլքատուութեան սրբոյ Աթոռոյս. ի ՌՂԹ թուին տաճկաց: Զոր գիտ ցուցակաւն եւ Ա համարով:

Բ. Ղապալայ մի եւս հին վասն այսորիկ, գրեցեալ ի ՋՀԲ թուին տաճկաց: Զոր եւս գիտ ցուցակաւ եւ Բ համարով: Զորպէսն տես լիովին ի ԺԳ գլուխն ի ճառս սոյն գեղջ:

Ղապալայք վասն Պաթրինջ գեղջ մլքատուութեանն սրբոյ Աթոռոյս:

Նախապէս մեծ ղապալայն Մակուեցի Գրիգոր կաթուղիկոսին, զոր յիշեցաք ի գլուխն եւ ի ճառս Էջմիածնի եւ սոյն գեղջս:

Ա. Դարձեալ ղապալայ մի եւս վասն մէկ դանկ մլքին սորա, զոր առնու Յակովբ կաթուղիկոսն Ջուղայեցի ի Բայրամբէկ տաճկէն. ի ՌԿԶ թուին տաճկաց: Գտցես ցուցակաւն եւ Ա համարով:

Բ. Ղապալայք երկուք եւս հին վասն այսորիկ, մին ի ՌԿԴ, եւ միւսն ի ՋՁԵ թիւսն տաճկաց գրեցեալք: Զորս գտցես ցուցակօքն եւ Ա եւ Բ համարովք: Եւ զայլ որպէսն լիովին տես ի ԺԳ գլուխն ի ճառս սոյն գեղջ:

Ղապալայ Մելիքի գեղջ:

Ա. Ղապալայ մի վասն Մելիքի գեօղ կոչեցելոյ (որ է յԱպարանու նահիէն) վեց դանկ մլքին, զոր առնու Ջուղայեցի Յակոբ կաթուղիկոսն ի Ռըզաղուլի տաճկէն, ի ՌՀԵ թուին տաճկաց: Զոր գտցես ցուցակաւն եւ Ա համարով: Զորպէսն տե՛ս ի ճառս սոյն գեղջ:

Ղապալայ Ղարաղօյունլու գեղջ:

Ա. Ղապալայ մի վասն վեց դանկ մլքին Ղարաղօյունլու կոչեցեալ գեղջն (որ Եօլքեասան եւս ասի, որ է ի Գառնւոյ նահիէն, ) զոր առնու Ջուղայեցի Յակոբ վարդապետն, ի ՌԿԱ թուին տաճկաց: Գիտ ցուցակաւն եւ Ա համարով: Տես զորպէսն ի ճառս սոյն գեղջ:

Ղապալայք Սրբոյ Աթոռոյս վասն Աշտարակու գեղջն:

Նախապէս մեծ ղապալայն Գրիգոր կաթուղիկոսին մակուեցւոյ վասն վեց դանկ մլքին սորա, զոր յիշեցաք ի ԺԳ գլուխն ի ճառս Էջմիածնի գեղջս:

Ա. Գիր մի հուճէթապէս եւ վկայական Հիւսէին-ալի խանին եւ այլոց մեծամեծաց կնքովք. ի ՌՃՁԲ թուին տաճկաց: Վասն Աշտարակու, Մուղնու, Եղուարդայ, եւ Քիրաշլուի մլքատու լինելոյն սրբոյ Աթոռոյս: Տես ի ճառս Աշտարակու:

Դարձեալ ղապալայ մի վասն այգւոյ միոյ, զոր առնու Մովսէս կաթուղիկոսն ի յԵրեւանցի Մուրատի դստերէն, ի ՌԽ թուին տաճկաց: Գիտ ցուցակաւն:

Դարձեալ ղապալայ մի եւս վասն միոյ այգւոյ, զոր առնու Ջուղայեցի Յակովբ կաթուղիկոսն ի ... տաճկէն, եւ տայ յիշատակ Սաղմոսավանից. ի ՌՁ թուին տաճկաց: Գիտ ցուցակաւն եւ ... համարով: Զայլ որպէսն տես ի ԺԶ գլուխն ի ճառս այգեաց սոյն գեղջ:

Ղապալայք սրբոյ Աթոռոյս վասն Փարաքար կոչեցեալ գեղջն:

Ղապալայք եւ գրեանք եօթն հատ վասն մեր մեծ եւ պարսպաւոր այգւոյ զոր ունիմք ի գեօղս յայս: Հինգն տաճկերէն եւ երկուքն հայերէն: Տաճկերէն երկուքն ի ՌԽԶ եւ ՌԿԴ թուոջն գրեցեալք յաւուրս Փիլիպպոս կաթուղիկոսին: Մին ի ՌՀԶ թուին տաճկաց, յաւուրս Յակոբ կաթուղիկոսին ջուղայեցւոյ: Մին ի ՌՃԺԴ թուին տաճկաց յաւուրս Նահապետ կաթուղիկոսին: Մին Հայերէն ի ՌՃՁԵ թուին մերում յաւուրս Աբրահամ կաթուղիկոսին Թրակացւոյ. մի եւս տաճկերէն սորա հին ղապալայն, որ գրի ի ՌՃԶ թուին տաճկաց: Եւ մին եւս Հայերէն ի ՌՃՀԸ թուոջն մերում յաւուրս Կարապետ կաթուղիկոսին: Զորս գտցես ցուցակօքն: (Այսք ամենայն ի մէջ մեր այգւոյ են ի մի խառնեցեալք):

Դարձեալ վախուպնամայ մի տաճկերէն վասն միոյ այգւոյ. ՝ զոր տայ սրբոյ Աթոռոյս նոյն գեօղացի Ղարակեօզն, ի ՌՁԱ թուին տաճկաց: Գիտ ցուցակաւն:

Դարձեալ վախուպնամայ մի հայերէն վասն միոյ այգւոյ. զոր տայ սրբոյ Աթոռոյս սոյն գեօղացի Յովհաննէսն ի ՌՃՂԹ թուոջն մերում:

Դարձեալ ղապալայք երկուք, մին վասն միոյ այգւոյ, եւ միւսն վասն միոյ այգետեղւոյ եւ միոյ արտի. զորս առնու ի սոյն գեօղացի Դիլանէն, եւ ի տիրացու Նիկողայոսէն ի ՌՃՂԴ թուոջն մերում, եւ տաճկաց ի ՌՃԾԸ, Սուրբ Հռիփսիմէի առաջնորդ Անանիա վարդապետն պօլսեցի: Զորս գտցես ցուցակօքն: Զվերոյ գրեալսդ զամենայն տես լիովին պարագայիւքն ի ԺԶ գլուխն ի ճառս սոյն գեղջ:

Ղապալայք սրբոյ Աթոռոյս Քալարու գեղջն:

Ղապալայ մի վասն երկուք ջրաղացատեղեաց ի գեօղս յայս, զոր առնու Ջուղայեցի Աղէքսանդր կաթուղիկոսն ի սոյն գեօղացի Առաքելի որդի Սարգսէն եւ ի Պետրոսի որդի Յովհաննիսէն. ի ՌՃԺԹ թուին տաճկաց: Գիտ ցուցակաւն:

Ղապալայ մի եւս վասն երկուց աւեր ջրաղացաց ի սոյն գեօղս, զոր առնու Ջուղայեցի Աղէքսանդր կաթուղիկոսն ի Ղաճար-Մահմատ բեկէն ի ՌՃԻԶ թուոջն տաճկաց: Գիտ ցուցակաւն, որ է մեր շէն դինկն:

Հուճէթ մի ի շարէն եւ թալղայ եւս ի Հիւսէին-ալի խանէն գոն վասն այսորիկ վասն դաւաճանի միոյ, ի ՌՃՀԸ թուոջն տաճկաց գրեցեալք, եւ ի մեր ՌՄԺԳ թուոջն: Զորս եւս գտցես ցուցակօքն: Զսոցունց ամենից որպէսն լիովին տես ի ԺԷ գլուխն ի ճառս սոյն գեղջ:

Ղապալայք սրբոյ Աթոռոյս վասն Կաւակերտ եւ Գեօկքիւմբէթ կոչեցելոցն:

Վախուպնամայ մի վասն ցանելոյ հողոյ. զոր տան բոլոր գեօղականքն սրբոյ Աթոռոյս, ի ՌՃԺԶ թուին տաճկաց: Գիտ ցուցակաւն:

Ղապալայ մի վասն երկուց ջրաղացաց ի գեօղս յայս, զոր առնու Ղազար կաթուղիկոսն Ճահկեցի ի Յօհանի որդի Աւագէն, ի ՌՃԾԳ թուին տաճկաց: Գիտ ցուցակաւն:

Ղապալայ մի հին վասն միոյ դնկի, ի ՌՃԳ թուին տաճկաց գրեցեալ: Գիտ ցուցակաւն: Զսոցունց որպէսն լիովին տես ի ... գլուխն ի ճառս սոյն գեղջ:

Ղապալայք սրբոյ Աթոռոյս ի յԵրեւան քաղաքն:

Ղապալայ մի վասն երկուց այգեաց ի յԵրեւան, զոր առնու քանաքեռցի Միքայէլ վարդապետն ի Դոլվաթ-Կեալտի տաճկէն, ի ՌԿԲ թուին տաճկաց: Գոյ եւ սորա հին ղապալայն ի ՌԽԱ թուին տաճկաց գրեցեալ, զորս գտցես ցուցակօքն: Եւ Միքայէլ վարդապետս այս սրբոյ Աթոռոյս տայ զայս այգիքս:

Ղապալայ մի եւ վախուպնամայ մի վասն միոյ այգւոյ ի յԵրեւան, որ կոչի Ղարաղաշենց այգի, զորս առնու Ջուղայեցի Յակովբ կաթուղիկոսն ի խօճա Սեթի թոռն Սարուխանէն եւ յԱբրահամէն, ի ՌՁԶ թուին տաճկաց: Գոյ եւ սոյն այգւոյս հին ղապալայն ի ՌԿ թուին տաճկաց գրեցեալ, զոր Քեալանթար Սահակն առնու ի Զամանէն: Հուճէթ մի եւս գոյ ի դաւաճանից առեալ վասն սոյն այգւոյս, ի ՌՂԳ թուին տաճկաց: Զորս գտցես ցուցակօքն:

Ղապալայ մի վասն միոյ այգւոյ (որ Ջիմշիտենց կոչի), զոր առնու Աթոռս ձեռամբ Երեւանցի Սիմէօն վարդապետին, ի ՌՃԼԹ թուին տաճկաց: Գիտ ցուցակաւն:

Ղապալայն Մսրխանենց այգւոյն՝ այն է որ յիշեցաւ ի ... գլուխն ի ճառս մլքատուութեան Նորագեղու:

Վախուպնամայ մի վասն միոյ այգւոյ, զոր տան խօճա Թորոսն եւ խօճա Մանուկն Փիլիպպոս կաթուղիկոսին, եւ Փիլիպպոս կաթուղիկոսն շնորհէ Անանիա առաքելոյ անապատին: Գիտ ցուցակաւն. ի ՌՃԾԴ թուին տաճկաց:

Ղապալայ մի եւս վասն միոյ այգւոյ, զոր Փիլիպպոս կաթուղիկոսն առնու ի խօճա Մատթէոսէն եւ ի Թադէոսէն, ի ՌԾԴ թուին տաճկաց, եւ շնորհէ նոյնոյ անապատին: Գիտ ցուցակաւն:

Հուճէթ մի եւս գոյ վասն սոյն այգւոյ, զոր Յակովբ կաթուղիկոսն առնու ի դաւաճանէ տաճկէ, ի ՌՁ թուին տաճկաց: Գիտ ցուցակաւն: Զվերոյ գրեցելոց այգեացդ որպիսութիւնսն տես լիովին ի ... գլուխն ի ճառս Երեւանու այգեացն:

Ղապալայք սրբոյ Աթոռոյս վասն Ձորագեղու:

Ղապալայք եւ վախուպնամայք երկու Թորոսենց այգւոյն, եւ Գառնուկենց ջրաղացին, զորս տայ սրբոյ Աթոռոյս խօճա Սեթի որդի խօճա Յակոբճանն ի ձեռն Յակովբ կաթուղիկոսին ջուղայեցւոյ, ընդ մլքին Նորագեղու եւ ընդ այլոց. այնք են զոր յիշեցաք ի ... գլուխն ի ճառս Նորագեղու, զորս գիտ ցուցակաւն:

Ղապալայն միւս ջրաղացի որ ի գեօղս յայս, յիշեցաւ ի ... գլուխն ի ճառս Եայճի եւ Ամիրի գեօղօրէիցն եւ ի ... գլուխն ջրաղացաց սոյնոյ գեղջս. զոր ծախէ Քեալանթար Սահակն: Գիտ ցուցակաւն:

Վախուպնամայք երկուք, եւ Ա. ղապալայ, մի եւս սուրաթ վախուպնամայի, վասն երկուց ջրաղացաց ի սոյն գեօղս, զորս տայ յիշատակ Անանիա առաքելոյն Փիլիպպոս կաթուղիկոսն ի ՌԾԴ թուին տաճկաց, զոր գտցես ցուցակօքն: Զսոցունց որպէսն տես լիովին ի ... գլուխն ի ճառս ջրաղացիցն սոյն գեղջս:

Ղապալայք Ձորագեղու մեր անապատին եւ տանցն շրջակայից:

Ղապալայ մի վասն սոյն անապատի տեղւոյն, զոր մահտեսի Ղեւոնդն կարնեցի առնու ի նոյն ձորագեղացի Ասլանէն. ի ՌՂԴ թուին տաճկաց: սաւատ մի եւս գոյ սորա:

Ղապալայ մի եւս վասն սոյն տեղւոյս, զոր նոյն Ղեւոնդն ծախէ Եղիազար կաթուղիկոսին ի նոյն թուոջն: Սաւատ մի եւս սորա գոյ:

Ղապալայ մի եւս վասն սոյն տեղւոյս, զոր Ասլանն վերոյիշեցեալ առնու ի Փարիէն ի ՌՂ թուին տաճկաց:

Ղապալայ մի եւս վասն սոյն տեղւոյս, զոր Ալիբէկ տաճիկ ոմն առնու ի Շահում եւ Աւագ եղբարցն ի ՌԼԹ թուին տաճկաց:

Ղապալայ մի եւս վասն սոյն տեղւոյս, նոյն Ալիբէկն տայ Տէրտէրենց խօճա Միքայէլին, ի ՌԽԱ թուին տաճկաց:

Ղապալայ մի եւս վասն սոյն տեղւոյս, զոր Եղիազար կաթուղիկոսն առնու ի Ղազարի որդի Խաչատուրէն, ի ՌՃԲ թուին տաճկաց: Վերոյ գրեցեալ վեց ղապալայքդ են մեր Ձորագեղու անապատի պարսպի միջի եղեալ տեղեաց ղապալայք. զորս գտցես ցուցակօքն: Եւ զորպէսն սոցա լիովին տես ի ... գլուխն ի ճառս սոյնոյ գեղջ տանցն:

Դարձեալ ղապալայ մի վասն ի ներքոյ անապատի ձորոջն եղեալ տանցն, զոր առնու Նահապետ կաթուղիկոսն ի յԱղամալէն, ի ՌՃԳ թուին տաճկաց:

Ղապալայ եւ վախուպնամայ մի եւս վասն երեք տանց (որք են հանդէպ մեր անապատի մեծ դրանն) զոր Երանոսի որդի Պօղոսն տայ Յովհաննիսի որդի Յօհանին, եւ Յօհանն տայ սրբոյ Աթոռոյս, ի ՌՃԽԱ թուին տաճկաց: Զայսոսիկ եւս գտցես ցուցակօքն: Զվերոյ գրեալսդ լիովին պարագայիւքն իւրեանց տեսցես ի ... գլուխն ի Ձորագեղու տանցն:

Ղապալայք եւ գրեանք սրբոյ Աթոռոյս վասն - կալուածոց - Դավրիժու:

Ղապալայապէս հուճէթ մի, վասն այգւոյ միոյ ի Դավրէժ, զոր առնու Սիմէօն կաթուղիկոսն Երեւանցի ի դավրէժցի Միրզա-շեֆու որդի Միրզա Ռաֆիէն ի ՌՃՁ թուին տաճկաց: Ընդ այս գոն եւ այլք գրեանք. զորս գիտ ցուցակաւն: Եւ զլիովին որպէսն տես ի ... գլուխն ի ճառս Դավրիժու այգեաց:

Ղապալայք վեց հատ վասն ջրոց, զորս առնուն Աղէքսանդր եւ Աստուածատուր կաթուղիկոսքն ի Դաւրէժ ի Սէյիդ Միրիմ կոչեցեալ ջրոյն: Զորս գտցես ցուցակօքն, ի ՌՃԻԴ, ի ՌՃԻԵ դարձեալ, ի ՌՃԻԶ, ի ՌՃԼԲ, ի ՌՃԼԵ թիւսն տաճկաց գրեցեալք: Զորոց զորպէսն լիովին տես ի ... գլուխն ի ճառս ջրոց:

Ղապալայք երեք հատ վասն մեծ այգւոյն մերոյ որ ի Դուխուրղան կոչեցեալ գեօղն, զոր առնու Ջուղայեցի Յակոբ կաթուղիկոսն, ի ՌԿԵ եւ ի ՌԿԷ թիւսն տաճկաց գրեցեալք, զորս գիտ ցուցակօքն: Եւ զլիովին որպէսն տես ի ... գլուխն ի ճառս այգեացն:

Ղապալայք եւ գրեանք վասն Վրացտանու երկրին:

Վախուպնամայ մի վրացերէն վասն միոյ գեղջ Թասմալուր կոչեցելոյ, (որ է ի մէջ Կախէթու եւ Քիսեղու ի յԷնիսուլ նահանգն) զոր տան Կախէթու Թէմուրազ պարոնն եւ իւրքն՝ Յակովբ կաթուղիկոսին ջուղայեցւոյ ի ... թուոջն մերում: Գիտ ցուցակաւն:

Վախուպնամայ մի վրացերէն վասն միոյ մեծ այգւոյ ի Շուլաւէր գեօղն, զոր տան Ջուանշիրի որդիքն Յակովբ կաթուղիկոսին ջուղայեցւոյ ի ՌՃԻԷ թուոջն մերում: Գիտ ցուցակաւն:

Վախուպնամայ մի վրացերէն վասն երից խանութից ի Թիֆլիզ քաղաքն, զոր տայ Բէհբութի որդի պարոն Ասլանն Յակովբ կաթուղիկոսին ջուղայեցւոյ ի ՌՃԺԳ թուոջն մերում: Գիտ ցուցակաւն:

Վախուպնամայք երկուք վրացերէն վասն միոյ այգետեղւոյ ի քաղաքն Թիֆլիզ, զոր տուեալ է Սիմէօնի կին Խանումն սրբոյ Աթոռոյս, ի ՌՄԺԶ թուոջն մերում: Գիտ ցուցակաւն:

Ղապալայք երկուք վրացերէն, վասն Խախուտի որդի Յարութիւնին եւ Յակովբի որդի Պապին ի քաղաքն Թիլֆիզ, զորս առնու Աստուածատուր կաթուղիկոսն բոլոր ընտանեօքն ի ճորտ սրբոյ Աթոռոյս, ի ՌՃԿԴ եւ ի ՌՃԸ թուոջն մերում: Գիտ ցուցակօքն:

Ղապալայ մի եւս վրացերէն վասն Թումանենց Յակովբին, Պապին եւ բոլոր ընտանեացն նոցին ճորտութեան սրբոյ Աթոռոյս, ձեռամբ Աստուածատուր կաթուղիկոսին, ի ՌՃՀ թուոջն մերում: Գիտ ցուցակաւն: