Բանաստեղծութիւններ

Մերումս յատուկ շրջականի,
Ամանակաց որ հոլովի,
Րոպէից թիւ մի անգամի,
Տրամատեալ յայլոց սեռի:

Ի մետասան հարիւրորդի,
Րուպ ընդ նմին եօթնեակ թւի
Ունակացաւ սա ի քարտի,
Ստացմամբ հիքոյս չուառալի:

Վերծանողացդ մաղթեսցի,
Աղերսանօք կողկողալի,
Րաբունօրէն յորժամ վիպի,
Դասիւ ի ձէնջ լուր յատենի:

Անդէն յիշել յանձն եղիցի,
Պուետիկոսացդ պանծալի,
Եւեթ անուն զիս զեղկելի,
Տէր Մարտիրոս Ղրիմեցի:

Ինձ մասն ընդ ձեզ հայցեմ լիցի,
Էկլէսական պարգեւոյդ ձրի,
Սերմանողք դուք կենաց բանի,
Առջիք յիշման զմեզ արժանի:

Հայր մեր յերկինս` սուրբ եղիցի...: