Թարգմանութիւններ

ԵՐԳ ՀԱՅՐԵՆԻ

          Թարգմանօրէն

Մինչդեռ յուսով խայտայ բնութիւն
Յետ դառնաշունչ ձըմերայնւոյն,
Եւ ի գաւառն իմ հայրենի
Գեղածիծաղ դառնայ գարուն,
Մինչ բոյր ի բոյր փըթթին ծաղկունք,
Եւ ճըռուողեն նորեկ ծիծռունք,
Ի քեզ ես դարձ առնեմ յայնժամ,
Ո՜վ ցանկալիդ իմ Հայաստան։

Ո՛չ Հելուետեան ինձ դաշտավայրք
Եւ կամ զըւարթ մարգագետինք,
Ո՛չ քան ըզքեզ չըքնաղագեղ
Իտալական պայծառ երկինք:
Հեռի ի քէն պանդուխտ գոլով՝
Քոյովըդ յար տապիմ անձկով,
Ի խանձարուրդ իմոց կենաց,
Ո՜վ Հայաստան, առնեմ ես դարձ։

Գայցեն աւուրք, ուր մանկութեան
Անկցի տիոցս իմ գեղ դալար,
Եւ յինէն խոյս տացեն վայելք
Կենաց թեթեւ ի գարշապար.

Ուր հէգ Մուսայս մատն ի յերեր,
Մոռանայցէ երգել ըզսէր,
Ըզնինջ ի ծոցդ առնում յայնժամ,
Ո՜վ ցանկալիդ իմ Հայաստան։