Թարգմանութիւններ

ԵՐԳ
Թարգմանեալ ի գաղղիականէ

Մի՛ ի շաւիղ ընդ մոլար,
Ուր ընթանայն մեղաւոր,
Այլ 'նդ Տէրունեան ճանապարհ
Գնայցես, որդեա՛կ, անխոտոր.
Լե՛ր ուսանող եւ զըւարթ,
Զանմեղութիւն ի քեզ պահեա՛ գեղազարդ:

Լիջի՛ր խոնարհ եւ ցածուն,
Մի՛ մեծատան բազմագանձ,
Եւ վեհից փառք անկայուն
Արկցեն ի սիրտդ նախանձ,
Զի ոյժ փառաց յաղթական՝
Սիրտն անմեղիկ եւ անարատ մանկութեան:

Ըզբերդըս կուռ, բարձրաձիգ,
Տէր ընդ ոտիւք տապալէ.
Այլ մամռապատն ի բունիկ
Միշտ հաշտ ակամբ ակնարկէ,
Ուր մայրն ի յերգս հըրճուալիս
Սընուցանէ ամբիծ սիրոյն ըզխայրիս: