ՀԱՑ ՃԱՐԵԼՈՒ ՀԱՄԱՐ ԽՄԵԼՈՒ ՊԱՐՏԱՒՈՐՈՒԹԻՒՆԸ

Bonne (Գերմանիայից). – «Արդի ընկերութեան ամենամեծ վէրքերից մէկը այն անհրաժեշտութիւնն է – նոյնիսկ իրանց արհեստի պահանջած անհրաժեշտութիւն –որի պատճառով բազմաթիւ անձեր ենթարկւում են չափազանց ոգելից ըմպելիներ գործածելու։ Յետոյ թւում է այն բոլոր արհեստները, որոնք մի կերպով պարտաւորեցնում եւ ստիպում են խմելու, եւ առաջարկում այլեւայլ միջոցներ։

Գերմանիայում բնակչութեան տասնեւչորրորդ մասը ալկոլի ճարտարարուեստով է զբաղւում։ Այս մարդկանց մեծագոյն մասը ժուժկալութեան բարեկամներ են, սակայն ճակատագրապէս անժուժկալներ են դառնում, իրանց արհեստում ստացած վատ սովորութիւններով։

Վտանգը կասեցնելու համար իբր բարոյական միջոց՝ օրէնքները եւ կարգապահական տնօրինութիւնները ոչինչ արժեն։ Հեղինակը առաջարկում է Նորին Մեծութեան Գերմանիոյ Կայսեր, վերատպել եւ քահանաներին ու պաստէօրներին ցրուել ամերիկացի Bairdի Հակալկոլական Շարժում հեղինակութիւնը։ Այս միջոցով ամբոխը լուսաւորելով եւ նորա գիտակցութիւնը զարթնեցնելով, գուցէ պիտի յաջողւի չարիքը արգիլել։