Տաղեր

Ա յբէն մինչեւ ի գիրն վերջին
Մեղայ ասեմ ես Քրիստոսին,
Բ ազում բանիւ խռովութեանց
Հետեւեցաք ի հետ չարին:

Գ րիգոր եղբայրն իմ սիրելին,
Որ է տեսուչ Իւով քաղաքին,
Դ ու հայրապետ եւ վարդապետ,
Նման սրբոցն հարցն առաջին:

Ե րանելի Տէր Գրիգորին
Եւ երջանիկ դիտապետին,
Զ իմ համշիրակ սիրականին,
Մեղայ ասեմ դարձեալ կրրկին:

Եթ է կռուանք ըստ մարդկային,
Մի՛ խռով կացցուք նման չարին,
Ը նդ մեր հաշտիլ բոլորովին,
Յամօթ լինի մեր թշնամին:

Թ ողուլ պարտիմք ըստ հրամանին,
Ըստ կանխասաց մերոյ Փրկչին,
Ժ տել ապա զանճառ բարին,
Որ ի Տեառնէ պարգեւեսցին:

Ի մարդկանէ ոչ ոք գտանին,
Որ ի մեղաց ոչ յաղթեցին,
Լ ալ մեզ պարտ է յոյժ տրտմագին,
Զի մի՛ լացցուք ի գեհենին:

Խ ռովեցաք հետ մէկ մէկի
Խաւարեցաք մէջօրէի,
Ծ առայեցաք չարասիրին,
Ծանակ եղաք բոլորովին:

Զի կորուսցի մեր թշնամին,
Որ զմեզ արար հաւան կամքին,
Հ աստատեսցուք սէրն առաջին,
Հաւատացաք պատուիրանին:

Ձ այն խռովութեանց մեր լսեցին,
Բազում տեղիք բամբասեցին,
Ղ արիպ եւ չար անուանեցին,
Ղարիպութիւնս մեր լացուցին:

Ճ շմարտութեան ճանապարհին
Ճգնիլ պիտէր հարցն առաջին,
Մ աքրել այնու միտք եւ զհոգին,
Մաքուր պահել յաղտոյ զմարմին:

Յ անկարծակի չարիք եկին,
Յանկարծ զմեզ խռովեցուցին,
Ն ախատանօք կծեցուցին,
Նոր սրերով զմեզ խոցեցին:

Շ ատ բան եւ խօսք ի քէն ասին
Եւ շատ զրուց յինէն ասին,
Ո րով եւ զմեզ բարկացուցին,
Որ եւ յայտնի կռուեցուցին:

Չ էր պարտ լսել մեր չարկամին,
Չէր մեզ պատեհ լսել նոցին,
Պ արտ էր լսել բարեկամին,
Պահել զհրաման Տեառն Յիսուսին:

Ջ անիւ զմեզ գլորեցին,
Ջրի նման պղտորեցին,
Ռ ամիկ ոմանք զմեզ յաղթեցին,
Ռակա եւ կեղտ անուն դրին:

Ս րտերս մեր ոչ խորհեցին,
Սէրն կենաց պատուիրանին,
Վ ասն այնորիկ մեզ յաղթեցին,
Վա~յ եւ եղուկ զմեզ պատեցին:

Տ եսողքն զմեզ լոյս գիտէին,
Տիրանման զմեզ պատուէին,
Ր աբունապետք անուանէին,
Րամից սրբոց զմեզ հարկէին:

Ց անկանալով առ մեզ գային,
Ցան եւ ցիր զմեզ գտին,
՚ Ւ իւանդ հոգւով զմեզ տեսին
Իիւսիսային կողմ աշխարհին:

Փ ութով հաշտինք մեք վերըստին,
Փառս տացուք արարողին,
Ք րիստոսի անմահ գառին,
Ճշմարտութեան ճանապարհին: