Բանաստեղծութիւններ, հատոր Բ

Հեղինակ

Բաժին

Թեմա

Ջուրը - ինքն ալ - զարմացաւ թէ ինչպէս

վար չթափեցաւ - ելաւ պատէն վեր

Ջուր մըն էր բոլոր միւս ջուրերուն պէս

- ջուր որ սորված էր անձրեւի շիթէն

թէ իր դերը վար իյնալ է միայն
Ել եթէ չիյնայ հողը կը վշւոանայ

քէն կ՚ընէ ու ծառ ծաղիկ չի բանար -

Այդ ջուրը ինչպէս ելաւ պատէն վեր –

Արդեօք պատճառը ա՞յն էր որ գիշերանց

սիրաբանած էր լիալուսնին հետ

- Հիմա ձեզմէ շատեր պիտի խորհին թէ

այդ ջուրը իրենք են -

- շատեր թէ իրենք լիալուսինն են -

- իսկ պատը - ան միշտ միեւնոյն պատն է