Պատմութիւն համառօտ ԴՃ տարւոյ Օսմանցոց թագաւորացն

Զերկիրն յանձնէ որդւոյ իւրում, որ նա քան զհայրըն քաջ գըտեալ,
Եօթընհարիւր երսուն եւ վեց. Օրհան որդին իշխանացեալ:

ՅԱքեազ ինչ թեւս արձակէ եւ ըզՊօլին սահման կալեալ,
ԸզՄուտուրնի թեմօքն իւրովք, զԱքճէ Գօճայէլին կոչեալ

ԶԳօքէրփէէլն` Այնիօկւով, ի Կիւնէկի գաւառ հասեալ,
ԶՆիկոմիդեա քաղաք առնէ, այն, որ ի հնումն էր հըռչակեալ:

Ուր քակէ զեկեղեցիսն` մէսճիտ եւ մէտրէսէ շինեալ,
Եւ ի յԻզնիկ նոր ամարաթ շինէր եւ զճաշն ձեռօքն բաշխեալ.

ԶՊալի Քէսրէ եւ զՊէրղամա, Եփեսոսիւ զԻզմիր առեալ,
Ուր աննըման եւ մեծածախ եկեղեցիքն են կործանեալ:

Սա' ըզկարգս եէնիչէրւոց եդ, զոր «ծառայ նորե անուանեալ,
Եւ լինէր առատաձեռն, ի աւարից զռոճիկս բաշխեալ:

Զճերմակ պօրքն, որ ուսկիւֆ ասեն, իբր նոր նըշան զօրացն տուեալ,
Սուլթան Հաճի Պէքթաշին դէմ կանգնեալ ՚ւ ի գլուխ իւր զայն եդեալ:

Առաքէ զօրս զօրագըլխօք, զցայգ սալ կապեն եւ զծով անցեալ,
ՅԱյտընճըգէ ՚ւ ի Բութանւոյ Տաճիկք ընդ այնց շատ ժամանեալ:

Եւ տէրըն Կէլիպօլւոյ զօրօք ընդ այնց շատ ճակատեալ,
Ո'չ օգտի ՚ւ ի ներքս փախչի, ուր աւուրս ինչ անդ խուսափեալ:

Իսկ Թուրքըն եւ զայրացմամբ ի Թէքիւրտաղն եղեն լըցեալ,
Զոր առին վաղվաղակի ՚ւ ի Կէլիպօլ դառնան դարձեալ:

Եւ յԱգճէ իլիմանին զպատրաստ նաւերս յինքեան ապռեալ
Եւ ի հիսար` Հէմպի կոչեալ, Յոյն լըրտեսիւ ի ներս մըտեալ:

Արտորայից էր եղանակն, որք պարապորդ ըզնա գըտեալ,
Ո'չ նեղեալ զոք եւ ո'չ սպանին, այլ զնուաճեալսն ի կամսն թողեալ:

Եւ ըզկըլայն Եաշլունիէ ընդ բընակչօքն ձերբակալեալ.
Եօթընհարիւր յիսուն եւ ինն թուականն զԿէլիպօլի առեալ:

ԸզՉօռլի` Խայրապօլւով զմարդ եւ զապրանս աւար առեալ,
Մըրըրիկն ի Տիմօթօ գայ եւ զգաւառօքն յափըշտակեալ:

Պէրղօզի բընակիչք փախեան, եւ Թիւրքըն զայն հըրձիկ առեալ,
Տիմօթօքայի տէրն ջանայր` ընդ Պէրղօզեանց ի մարտ եկեալ:

Ուր Տաճիկք դարան կալնուն, յանկարծ զթէքիւրսըն ըմբըռնեալ,
ԶՏիմօրօքայն տալ խոստացաւ, զի մի' սպանցեն, ՚ւ ապա` զերծեալ:

Եւ ըզգերեալսըն Յունաց տան յԱնատօլի զյոլովս մըղեալ,
Ըզլուծ վարել, զլեզուն սովրիլ, արպերէն «գուլե ի դուռն գըրեալ:

Մինչ յԷտրէնէ գաւառ հասին, զառ եւ զաւար շատացուցեալ,
Եօթընհարիւր վաթսըն եւ մէկն մեռաւ Օրհան, Պրուսա թաղեալ:

Երսուն եւ հինգ տարի իշխեաց, ութսուն եւ մէկ տարի ապրեալ,
Զնոր աշխարհ, զոր եւ ստացաւ, որդւոյ իւրում յանձնարարեալ: