Սիսուան

5. Լիճք

Կատարաբերձ կազմակերպութիւն լեռնաստանին Կիլիկիոյ ` հարկ է թէ չտայր ասպարէզ ընդարձակ բարձրատափից եւ լեռնադաշտաց, որով եւ ոչ լճաց մեծաց, որպէս յԱլպեայս Հելուետաց կամ Հայոց Մեծաց. փոքունք միայն եւ խորք երեւին ուրեք ուրեք լճակք ’ ի վերնագոյն սահմանս, որպէս ամբարանոցք հալից ձեանց եւ գուբք զովագինք. այսպիսիք են յիշեալքն ’ ի վերոյգրեալ ցուցակի լերանց, երկուստեք Քօշան լերին մի մի լիճ. յարեւմտից ` Գարա կէօլ յ ’8000 ՛ բարձու, իբրեւ խոր աւազան ’ ի քարաժայռս, որոյ չերեւի ելեւմուտ ջրոց. յարեւելից ` Քօշան կէօլ հաւասար բարձրութեամբ, այլ նուազագոյն տարածութեամբ եւ խորութեամբ, զի եւ ցամաքի իսկ ամարանի։ — Գար-կէօլ, փոքր լճակ, ’ ի միջին գահաւանդի, ’ ի հարաւոյ Քէչիպէլի լերին. ’ ի սորա հարաւոյ ելից ’ ի Հս. Կիւլէկ մաղարայի կապարաբովուց ` Չիտէմ կէօլ, 7300', որ եւ Սաֆրան կէօլիւ կոչի, այսինքն է Քրքմոյ լիճ: