Տեղեկագիր այրիախնամ յանձնաժողովի

ԺԱ.
ԿՈԿԻՍՈՆ (ԿԷՕՔՍԻՒՆ)

ԱՇԽԱՐՀԱԳՐԱԿԱՆ ԴԻՐՔ. – Զէյթունի արեւելեան կողմը, Զէյթունի եւ Հաճընի ճիշտ մէջտեղը, երկուքէն ալ 12ական ժամ հեռաւորութիւնով, լեռնաշղթայով մօտէն շրջապատուած դաշտի մը մէջ, խեղճ ու կրակ Գազա մըն է։

ԲՆԱԿՉՈՒԹԻՒՆ. – Կոկիսոն ունի 350 տուն բնակիչ։ Հայերը 75 տուն միայն՝ որոնցմէ 15ը Բողոքական։ Իսկ շրջակայ գիւղերուն մէջ կայ 320 տուն (Լուսաւորչական) Հայութիւն մը, այսպէս բաժնուած։

ՋԱՐԴԻ ՎՆԱՍԸ. – Տեղւոյն վրայ բան մը պատահած չէ Զէյթունի ազդեցութեան շնորհիւ, որով միայն անուղղակի կերպով, դուրսը գտնուողներուն սպաննուելովը վնասուած են։

ՏՆՏԵՍԱԿԱՆ ԾԱՆՕԹՈՒԹԻՒՆՆԵՐ. – Հայերուն մեծագոյն մասը հողագործ են. կան նաեւ փոքրաթիւ երկաթագործներ, անագագործներ եւ մի քանի հատ ալ վաճառական։ Գիշեր մը միայն մնալուս, աւելի ընդարձակ տեղեկութիւններ կարելի չեղաւ քաղել։

ԱՅՐԻՆԵՐ. – Բուն Կոկիսոնի մէջ վերջին դէպքէն այրի չկայ, բայց շուրջի գիւղերէն Թաշ-Օլուգ, Քիրէճ, Կէօլ-բունար եւ Տէյիրմէն-Տէրէյի մէջ կան 44 այրիներ։