Պատմութիւն Հայոց

Յաղագս Բոյեկան մեծ նախարարին Պարսից, որ եկն եւ սա քառասուն բիւրաւ. զոր հարկանէր ջնջէր սպարապետն Հայոց Վասակ:

Յետ այսորիկ Բոյեկան մեծ նախարար Պարսից, եւ քառասուն բիւր ընդ նմա, գային հասանէին յԱտրպատական. կամէին ասպատակ առնել յերկիրն Հայոց: Ապա զառաջեօք անգանէր Վասակ իւրով հայաստան գնդաւն, հարկանէր զզօրսն ամենայն Պարսից, եւ զԲոյեկանն սպանանէր ի Թաւրէժն: Եւ այրէր անդ զապարանս թագաւորին Պարսից. եւ գտեալ անդ զպատկեր թագաւորին Պարսից, նետաձիգ եղեալ` նետալից առնէր: Բայց միայն փախչէր Մերուժանն ընդ նոսա եկեալ: