Ամարանոց Բիւզանդեան

  143

Գիւղ Օրթաքեօյին ` շինեալ ՚ի դիւրին,

՚ի հընգեակ առաջք ` հովիտք իւր ձգին,

փոքրիկ հեղեղատ ` ընդ մէջ իւր գիւղին,

բընակք եւ պարտէզք ` ձգեալք առ նըմին,

144

Շըքեղ է տեսիլ ` բնակչաց ծովեզրին,

այն խիտ անցք նաւուց ` նեղ դիրք նեղուցին,

բայց պատուական օդ ` կողման ցամաքին,

զանուն տայ սըմա ` ամարանոցին:

145

Բազմութիւն են անդ ` հայկազուն ազգին,

Սուրբ Աստուածածին ` իւր եկեղեցին,

այլ Խնդրակատար ` անուն տան նըմին,

իբրեւ մականուն ` հըզօր այն կուսին:

146

Զի նոր նորոգեալ ` զսոյն եկեղեցին,

տեառն Յոհաննու ` մեծի կոլոտին,

փոխեաց զԿիրակոս ` զանուն առաջին,

որոյ արդ խորան ` ՚ի հարաւ կողմին:

147

Անդ առաջիկայ ` մեծ հայրապետին,

տեառն Կարապետի ` կաթուղիկոսին,

այնպէս ընկալեալ ` զօծումն նուիրին,

բարձրացաւ փառօք ` գեր քան զքաղաքին:

148

Գերեզմանատուն հայկական ազգին,

՚ի զառ ՚ի վայրի ` ՚ի վերայ լերին,

գերեզմանատուն ` յունական ազգին,

^ա մերձ ՚ի Յիսքէլէն ` ուր եկեղեցին:

149

^բ Բազմութիւն են աստ ` եւ հրէից ազգին,

կրպակք եւ վաճառք ` պատրաստք ձեռին,

մի միայն մզկիթ ` ՚ի Ճամի պուռնին,

ուր եւ թաղ տաճկաց ` մերձ առ ծովեզրին:

150

Թէպէրտար Մէհմէտ շինօղ մզկըթին,

^ա Քէթխիւտա Մէհմէտ ` նորոգօղ նըմին,

բազմացոյց զըտունս ` կրպակս առ նովին `

առ վէզիրութեամբ ` մեծ Իպրահիմին:

151

Ի Պէշիքդաշէ ` մինչ յեզեր սորին,

չէր յառաջ այսպէս ` ճանապարհ դիւրին,

այլ ըսպասաւորք ` Խըտըր փաշային,

ըզբազում տեղիս ` հարթեալ ուղղեցին:

152

՚Իյարգիասայ ` բընակեալ նախկին,

Արգիօն կոչէր ` գիւղ Օրթաքեօյին,

այլ Այի ֆօգա ` յետինք կոչեցին,

յիւր եկեղեցւոյ ` սրբոյն փոկասին: