Ամարանոց Բիւզանդեան

  153

՚Ի կարգի բազկաց ` Ռումէլի մասին,

զՏէֆթէրտար պուռնին ` տեսի առաջին,

նախ տուն Տէֆթէրտար ` համարակալին,

ապա փոխադրեալ ` յարքայականին:

154

Բընակ ՚ի նախնումն ` չուոց արքային,

ընտանեօք հանդերձ ` այլ կիսով մասին,

անձուկութիւն վայրաց ` բընակարանին,

արգել զյաճախումն ` գընացից նորին:

155

Ծարաւիդ հողմոյ ` փոյթ տո ' ւր նաւակին,

՚ի սոյն վերբերիլ ` վայր հողմարանին,

ա ' ստ գանձ հիւսիսոյ ` ամբարեալ պահին,

ընդ առաջ ելեալ ` ըզքեւ պարուրին:

156

Տեսեալ զհեշտալեաց ` տեղիս ստորին,

յամել խնդրէիր ` կալ նոցին զընին,

այլ աստ վայելեալ ` զսիւք քաղրագունին,

ըզնոցունց ` ծանեար ` զվիճակ ստորին:

157

Իմաստնոյ է գործ ` յամենայն մասին,

չընտրել ինչ նախ քան ` ըզքննել իրին,

տե ' ս ըստ բոլորին ` լո ' ւր ըզբընաւին,

ապա որոշեա '` զայս կամ զայն անձին:

158

Մինչչեւ ես հասեալ ` յայս պարոյր բազկին,

մի ' կարծեր ըզքեզ ` յամարանոցին,

մինչեւ ցաստ խաղայ ` այն քո ցանկալին:

զորոյ դու խնդրես ` ըզշունչ ցօղագին:

159

Լուայ զդըղրդիւն ` բազմութեան խմբին,

^ա կուտեալ ՚ի շինուած ` նորոյ պալատին,

անագան ծանեաւ ` ընտրութեան ոգին,

զհեշտութիւն տեղւոյս ` զվաղուց ընտրելին:

160

Այս բազուկ փակէ ` զտեսիլ նեղուցին,

յաչաց բընակչաց ` մեծի բիւզանդին,

փակէ եւ վանէ ` զընթացս յորձանին,

չըբերիլ յիւր կողմ ` Ուռումէլիին:

161

Յորմէ կոչեցաւ ` առ յունականինե,

Բանալի անուամբ ` Գըլիտիօնին,

որք ՚ի գլուխ սորա ` պատուեալ պաշտէին,

^բ զոմըն անծանօթ ` Ծովոյ Ծերունին:

162

^գ Անդ էր մենաստան ` Տարասիոսին,

մեծի քաղաքի ` վեհ պատրիարգին:

որոյ սրբասնեալ ` պատուական մարմին,

՚ի Վենետիկեան ` փոխեալ քաղաքին: