Պատմութիւն Հայոց, Հատոր Ա.

Հեղինակ

Բաժին

Թեմա

Պահանջէր լրութիւն այսր մերոյ գործառնութեանս բազում ինչ յաւելուլ ՚ի կարգի պատմութեան առ ՚ի ստուգ ութիւն ասացելոցս, կամ առ ՚ի քննել զտարակուսանս իրս, եւ կամ առ ՚ի միաբանել զայլեւայլ կարծիս. եւ սակայն վասն չմիջահատելոյ զընթացս բանից` զանց արարաք յիշատակել անդ ՚ի բուն պատմագրութեան. եւ թողաք ծանուցանել զնոսին առանձինն համառօտ քննութեամբ ՚ի վախճան իւրաքանչիւր գրոց:
       Այս ծանօթութիք որովհետեւ ո'չ են շարունակեալ պատմութիւնք, այլ` մասնաւոր տեղեկուիք ուրոյն ուրոյն եդեալ ընդ այլեւայլ ծանուցանելի իրաց, եւ ընդ պէսպէս կարեւոր գիտելեաց ՚ի վերայ զանազան իրողութեանց, կարգք նոցին ո'չ հային առ միմեանս անընդհատ, այլ` առ այլ եւ այլ նպատակ բանից` ըստ այլեւայլութեան ժամանակի եւ կարգի:
       ՚Ի սմա տառքդ. Ա. Բ. Գ. Դ . եդեալք ՚ի լուսանցս` ցուցանեն զգլուխս գրոց մատենիս: Իսկ նշանքդ. (1). (2). (3). եդեալք ՚ի ներքոյ նոցա` ցուցանեն զայն տեղիս, յորս եդեալ կան սոքին ընթացս պատմութեան ՚ի նեղ լուսանցս` ըստ գլխոց իւրաքանչիւր գրոց. որպէս եւ տեսցես յառաջիկայդ. ուր ահա գիեմք նախ զծանօթութիւնս առաջին այսր գրոց: